ଭୁବନେଶ୍ବର: ବରିଷ୍ଠ ନେତା ସୁର ରାଉତରାୟଙ୍କ ଉପରେ କଂଗ୍ରେସ ଚାପ ପ୍ରସଙ୍ଗରେ ପ୍ରତିକ୍ରିୟା ରଖିଲେ ପିସିସି ସଭାପତି ଶରତ ପଟ୍ଟନାୟକ । ତାଙ୍କ ଉପରେ କୌଣସି ଚାପ କେହି ପକାଇ ନାହାଁନ୍ତି । ସୁର ରାଉତରାୟଙ୍କ ବାବଦରେ କୌଣସି କଥା କହିବା ଠିକ୍ ନୁହଁ ବୋଲି ଶରତ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, 'ସୁର ବାବୁ ଜଣେ ବରିଷ୍ଠ ବିଧାୟକ । ତାଙ୍କ ଉପରେ କୌଣସି ଚାପ କେହି ପକାଇ ନାହାଁନ୍ତି । ତାଙ୍କ କଥାକୁ ସେ ସ୍ପଷ୍ଟ କରିଛନ୍ତି । କଂଗ୍ରେସ ହାଇକମାଣ୍ଡ ଯାହା ନିଷ୍ପତ୍ତି ନେବେ ତାକୁ ଆମେ ମାନିବୁ । ଏହା କଂଗ୍ରେସର ପରିବାର କଥା, ସୁର ବାବୁଙ୍କ ବିଷୟରେ କୌଣସି କଥା କହିବା ଠିକ ନୁହେଁ ।'
ଗତକାଲି ସୁର, NDAର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ ପାଇଁ ହାଇକମାଣ୍ଡଙ୍କୁ ଅନୁରୋଧ କରିବେ ବୋଲି କହିଥିଲେ । ମାତ୍ର ଆଜି ସୁର ନିଜ କଥାକୁ ଫେରାଇ ନେଇ ଯଶୱନ୍ତ ସିହ୍ନାଙ୍କୁ ସମର୍ଥନ ଜଣାଇବେ ବୋଲି କହିଛନ୍ତି । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା । ଚାପରେ ସୁର ନିଷ୍ପତ୍ତିର ଓହରି ଯାଇଥିବା ଆଲୋଚନା ହେଉ ଥିବାବେଳେ ଏହାକୁ ଖଣ୍ଡନ କରିଛନ୍ତି ପିସିସି ସଭାପତି ଶରତ ପଟ୍ଟନାୟକ ।
ଇଟିଭି ଭାରତ, ଭୁବନେଶ୍ବର
