ଭୁବନେଶ୍ବର: କଥାରେ ଅଛି ମାନବ ସେବା ହିଁ ମାଧବ ସେବା । ଏହାକୁ ଆଧାର କରି ପଟିଆ ସାଇ ଶକ୍ତି ଟ୍ରଷ୍ଟର କର୍ମକର୍ତ୍ତା ମାନେ ଅନେକ ସାମାଜିକ କାର୍ଯ୍ୟ କରି ଉଦାହରଣ ସୃଷ୍ଟି କରିଛନ୍ତି । ସେମାନେ ଶୀତ ଋତୁରେ ଅସହାୟ ବୃଦ୍ଧ-ବୃଦ୍ଧାଙ୍କୁ କମ୍ବଳ ବଣ୍ଟନ, ଗରିବ ନିରାଶ୍ରୟ ଝିଅଙ୍କ ବାହାଘର , ଅଞ୍ଚଳର ଲୋକମାନଙ୍କ ପାଇଁ ଦେୟ ମୁକ୍ତ ସ୍ୱର୍ଗରଥ ଗାଡିର ବ୍ୟବସ୍ଥା, ଖରାଦିନେ ଭ୍ରାମ୍ୟମାଣ ଜଳସେବା, ବର୍ଷା ଦିନେ ବୃକ୍ଷ ରୋପଣ କାର୍ଯ୍ୟକ୍ରମ, ଅନେକ ଗରିବ ଶ୍ରେଣୀୟ ଲୋକଙ୍କୁ କୁତ୍ରିମ ଅଙ୍ଗ ଦାନ କରି ଅଞ୍ଚଳର ଲୋକମାନଙ୍କ ଦ୍ବାରା ପ୍ରଂଶସିତ ହୋଇଛନ୍ତି ।
ଗତ ବର୍ଷ କରୋନା ମହାମାରୀରେ ଏକକ ମନ୍ଦିର ହିସାବରେ ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡକୁ ମାନ୍ୟବର ଏଡିଏମଙ୍କ ଦ୍ଵାରା ୬୦୦୦୦ ଟଙ୍କା ଦାନ କରିବା ସହିତ ଗରିବ ଅସହାୟ ବସ୍ତି ବାସିନ୍ଦାଙ୍କୁ ଶୁଖିଲା ଖାଦ୍ୟ ପୁଡ଼ିଆ ଦେଇ ଏକ ଅନନ୍ୟ ଉଦାହରଣ ସୃଷ୍ଟି କରଥିଲେ । ଏବର୍ଷ କୋରୋନାର ଦ୍ୱିତୀୟ ଲହରୀରେ ଅକ୍ସିଜେନର ଅଭାବ ଦେଖିବାକୁ ମିଳିଛି ।
ଏହାକୁ ଆଖି ଆଗରେ ରଖି ପଟିଆ ସାଇ ଶକ୍ତି ଟ୍ରଷ୍ଟର କର୍ମକର୍ତ୍ତା ୧୦ ଗୋଟି ସିଲିଣ୍ଡର ଯୋଗେ ଚନ୍ଦ୍ରଶେଖରପୁର ଅଞ୍ଚଳରେ ଅକ୍ସିଜେନ ଆବଶ୍ୟକ ଥିବା ଲୋକଙ୍କର ସାହାଯ୍ୟ ପାଇଁ ହାତ ବଢାଇଛନ୍ତି । ପଟିଆ ସାଇ ମନ୍ଦିର କର୍ମକର୍ତ୍ତା ସହଯୋଗର ହାତ ବଢ଼ାଇଥିବାରୁ ସମସ୍ତଙ୍କୁ ସାଇ ଶକ୍ତି ଟ୍ରଷ୍ଟର ମୁଖ୍ୟ ଟ୍ରଷ୍ଟି ତଥା ଜଣାଶୁଣା ସମାଜ ସେବୀ ମିହିର କୁମାର ରାଉତ କୃତ୍ୟଜ୍ଞାତ ଜ୍ଞାପନ ଜଣାଇଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
