ଭୁବନେଶ୍ବର: ରାଜଧାନୀରେ ମଡେଲ ସୋମ୍ୟଙ୍କ ସୁଇସାଇଡ ଘଟଣା । ତାଙ୍କ ହାତ ଲେଖା ସୁଇସାଇଡ ନୋଟକୁ ନେଇ ଏବେ ବଢ଼ିଛି ସନ୍ଦେହ । ତେଣୁ ପୋଲିସ ସୁଇସାଇଡ ନୋଟକୁ ଷ୍ଟେଟ ହ୍ୟାଣ୍ଡ ରାଇଟ ବ୍ୟୁରୋକୁ ପଠାଇଥିବା ଜଣାପଡ଼ିଛି ।
ଭୁବନେଶ୍ବରରେ ପ୍ରେମିକା ପାଇଁ ପ୍ରେମିକ ମଡେଲର ଆତ୍ମହତ୍ୟା ଘଟଣା । ସୌମ୍ୟ ପାଣିଗ୍ରାହୀଙ୍କ ଆତ୍ମହତ୍ୟା ପୂର୍ବରୁ ଲେଖିଯାଇଥିବା ସୁଇସାଇଡ ନୋଟ ନେଇ ଏବେ ବଢୁଛି ସନ୍ଦେହ । ମିଳିଥିବା ସୁଇସାଇଡ ନୋଟଟି ତାଙ୍କର ନା ଆଉ କାହାର ସେନେଇ ପୋଲିସ ତଦନ୍ତ ଆରମ୍ଭ କରିଛି । ଏହାର ତଦନ୍ତ ପୋଲିସ ସୁଇସାଇଡ ନୋଟଟିକୁ ଷ୍ଟେଟ ହ୍ୟାଣ୍ଡ ରାଇଟ ବ୍ୟୁରୋକୁ ପଠାଇଛି ।
ସୁଇସାଇଡ ନୋଟରେ ଉଲ୍ଲେଖ ଥିବା ଯୁବତୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ପରିବାର ଲୋକେ ଦାବି କରିଛନ୍ତି । ଉକ୍ତ ଯୁବତୀଙ୍କୁ ତଦନ୍ତ ପରିସରକୁ ଆଣିଲେ ପୁରା ଘଟଣା ସାମ୍ନାକୁ ଆସିବ ବୋଲି ସେମାନେ କହିଛନ୍ତି । ହେଲେ ଏହି ଘଟଣାରେ ସୌମ୍ୟଙ୍କ ପ୍ରେମିକାଙ୍କୁ ପଚରାଉଚରା ନକରିବା ପୋଲିସ ତଦନ୍ତକୁ ନେଇ ପରିବାର ଲୋକେ ଆପତ୍ତି ଉଠାଇଛନ୍ତି । ଯାହା ଫଳରେ ମଡେଲ ତଥା ବ୍ୟବସାୟୀ ସୌମ୍ୟ ପାଣିଗ୍ରାହୀଙ୍କ ଆତ୍ମହତ୍ୟା ସସପେନ୍ସ ଏବେ ରହସ୍ୟ ଘେରରେ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
