ଭୁବନେଶ୍ବର: ଆଜି ମହାପ୍ରଭୁ ଲିଙ୍ଗରାଜଙ୍କ ପବିତ୍ର ରୁକୁଣା ରଥଯାତ୍ରା ବା ଅଶୋକାଷ୍ଟମୀ । ଦିର୍ଘ ୨ ବର୍ଷ ପରେ ଭକ୍ତ-ଭଗବାନଙ୍କ ମିଳନ ହେବ । ସମସ୍ତଙ୍କୁ ଦର୍ଶନ ଦେବେ ମହାପ୍ରଭୁ ଶ୍ରୀଲିଙ୍ଗରାଜ । ଦାଣ୍ଡରେ ଗଡିବ ପ୍ରଭୁ ଲିଙ୍ଗରାଜଙ୍କ ରୁକୁଣା ରଥ, ଆଉ ବିନା ବାଧକରେ ପଥରେ ରଥ ଦଉଡିକୁ ଟାଣି ନେବ ଭକ୍ତ । ନିର୍ଦ୍ଧାରିତ ସମୟର ଘଣ୍ଟାଏ ବିଳମ୍ବରେ ଆରମ୍ଭ ହେଲା ରଥଟଣା ।
Lingaraj Rukunarath Yatra: ସରିଲା ପ୍ରଭୁ ଲିଙ୍ଗରାଜଙ୍କ ରୁକୁଣା ରଥ ପହଣ୍ଡି
ନୀତି ନିର୍ଘଣ୍ଟ ଅନୁସାରେ ରଥରେ ରଥାରୁଢ ହୋଇସାରିଛନ୍ତି ପ୍ରଭୁ ଲିଙ୍ଗରାଜଙ୍କ ଚଳନ୍ତି ପ୍ରତିମା ଶେଖର ଗୋବିନ୍ଦ ଓ ରୁକ୍ମୁଣୀ । ପହଣ୍ଡି ଶେଷ ହୋଇ ଥିବାବେଳେ କରି ଶଙ୍ଖ ଘଣ୍ଟ ଘଣ୍ଟା, ହରିବୋଲ ଓ ହୁଳହୁଳି ଧ୍ବନିରେ ଆସି ରଥରେ ବିରାଜ କରିଛନ୍ତି । ଗଡିବ ପ୍ରଭୁ ଲିଙ୍ଗରାଜଙ୍କ ଅଣଲେଉଟା ରୁକୁଣା ରଥ । ଏଥିପାଇଁ ବ୍ୟାପକ ପ୍ରସ୍ତୁତି କରିଛି ପ୍ରଶାସନ । ସାଧାରଣ ଦର୍ଶନ ପରେ ଲିଙ୍ଗରାଜଙ୍କ ରଥର ନିତୀକାନ୍ତି ସରିବା ପରେ ରଥ ଟଣା କାର୍ଯ୍ୟ ଆରମ୍ଭ ହେବ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
