ଭୁବନେଶ୍ବର: ରାଜ୍ୟରେ ଜାନୁଆରୀ 25 ସୁଦ୍ଧା ପିକ୍ ଛୁଇଁବ କୋରୋନା । ଏବେ ରାଜ୍ୟରେ ଆବଶ୍ୟକ ନାହିଁ ଲକ୍ଡାଉନ ବା ସଟଡାଉନ । ଯଦିଓ ଏବେ ସଂକ୍ରମଣ ବଢୁଛି, ଗୁରୁତର କରୁନି । ଅଧିକ ହସ୍ପିଟାଲ ବେଡ଼ ଦରକାର ମଧ୍ୟ ଆବଶ୍ୟକତା ପଡୁନାହିଁ ବୋଲି ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି ।
ସେ କହିଛନ୍ତି ଯେ, ରାଜ୍ୟରେ ସଂକ୍ରମଣ ସଂଖ୍ୟା ବଢୁଥିଲେ ବି ଚିକିତ୍ସା କ୍ଷେତ୍ରରେ ବିଶେଷ ପ୍ରଭାବ ପଡୁନି । ଗୁରୁତର ସଂଖ୍ୟା ବହୁତ କମ ରହୁଛି । ଭୟଭୀତ ହେବାର କୌଣସି ଆବଶ୍ୟକତା ନାହିଁ । ଆମେ ଯଦି ସତର୍କ ରହିବା ଫେବୃଆରୀ ଶେଷ ସୁଦ୍ଧା ଏହି ସଂକ୍ରମଣକୁ ପାର କରାଯିବ ବୋଲି କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର ।
ସୂଚନା ଅନୁଯାୟୀ, ରାଜ୍ୟରେ ଅନେକ ଜିଲ୍ଲାରେ ହୁ ହୁ ହୋଇ ବଢୁଛି ସଂକ୍ରମଣ । ରେଡ଼ ଯୋନରେ ଖୋର୍ଦ୍ଧା ରହିଛି । ପଶ୍ଚିମ ଓଡ଼ିଶାରେ ଏବେ ସଂକ୍ରମଣ ବଢୁଛି । ସମ୍ବଲପୁର, ସୁନ୍ଦରଗଡ, କଟକ ଭଳି ଅନେକ ଜିଲ୍ଲାରେ ବଢୁଛି ସଂକ୍ରମଣ । ତେବେ ଲୋକମାନେ ଯଦି କୋଭିଡ କଟକଣା ମାନିବେ ତେବେ ସଂକ୍ରମଣ ବଢିବ ନାହିଁ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
