ବ୍ରହ୍ମପୁର: ବାଳାଶ୍ରମରୁ ନାବାଳିକା ଫେରାର ଘଟଣାରେ ଅଧିକ ଅନୁସନ୍ଧାନ କରିବା ପାଇଁ ବ୍ରହ୍ମପୁରରେ ରାଜ୍ୟ ଶିଶୁ ସୁରକ୍ଷା କମିଟି ଗସ୍ତ କରି ତଦନ୍ତ କରିଛନ୍ତି । କମିଟି ମୁଖ୍ୟ କୁଏରା ସୁଲତାନା ବେଗମ୍ । ତାଙ୍କ ଅଧକ୍ଷତାରେ ରାଜ୍ୟ ଶିଶୁ ସୁରକ୍ଷା ଅଧିକାରୀ ଅନୁପମା ବିଶ୍ବାଳଙ୍କ ସମେତ ଏକ ପାଞ୍ଚ ଜଣିଆ କମିଟି ରାଜଧାନୀ ଭୁବନେଶ୍ବରରୁ ଆସି ବ୍ରହ୍ମପୁରରେ ପହଞ୍ଚି ଥିଲେ ।
ଏହାପରେ ପ୍ରଥମେ ବାଳାଶ୍ରମ ପରିସରର ପରିକ୍ରମା କରି କିଭଳି ଏବଂ କେଉଁ ପରିସ୍ଥିତିରେ ଅନ୍ତେବାସୀ ବାଳାଶ୍ରମରୁ ବାହାରକୁ ଗଲେ ସେନେଇ ବିସ୍ତୃତ ଭାବେ ଆଲୋଚନା କରିଥିଲେ । ଏଭଳି ଘଟଣା ଯେଉଁଭଳି ଆଗାମୀ ଦିନରେ ପୁନଃରାବୃତ୍ତି ନହୁଏ ସେଥିପାଇଁ ସମସ୍ତ କର୍ମଚାରୀଙ୍କ ସହ ଆଲୋଚନା କରି ତାଗିଦ କରିଥିଲେ ।
ବାଳାଶ୍ରମ ପରିସରରୁ ଫେରାର ହୋଇଥିବା ନାବାଳିକାଙ୍କ ମଧ୍ୟରୁ କେତେକଙ୍କୁ ଉଦ୍ଧାର କରାଯାଇଥିବାବେଳେ ସେମାନଙ୍କୁ ଆଗାମୀ ଦିନରେ ଶିଶୁ ସୁରକ୍ଷା ଆଇନ ଅନୁଯାୟୀ ସମସ୍ତ ପ୍ରକାର ପଦକ୍ଷେପ ନିଆଯିବ ବୋଲି କହିଛନ୍ତି ସ୍ଥାନୀୟ ଉପଜିଲ୍ଲାପାଳ ।
ଗଣମାଧ୍ୟମର ପ୍ରଶ୍ନର ଉତ୍ତର ଦେଇ ଉପଜିଲ୍ଲାପାଳ ସିନ୍ଧେ ଦତ୍ତାତ୍ରୟ ଭାଉ ସାହେବ ଅଦ୍ୟାବଧି ନିଖୋଦ ୧୩ ଜଣଙ୍କ ମଧ୍ୟରୁ ୧୧ ଜଣଙ୍କ ସନ୍ଧାନ ମିଳିଥିବାବେଳେ ଅଦ୍ୟାବଧି ଦୁଇ ଜଣଙ୍କ ସମ୍ପର୍କରେ କୌଣସି ସୂଚନା ନଥିବା କହିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
