ବ୍ରହ୍ମପୁର: ପଇସା ନ ଦେବାକୁ କେନ୍ଦ୍ର କରି ବାପାକୁ ହତ୍ୟା କଲା ପୁଅ । ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ଥାନା ମହାଛାଇ ଗ୍ରାମରେ ଘଟିଛି ଏପରି ଅଭାବନୀୟ ଘଟଣା ।
ବାପାକୁ ହାଣି ପୁଅ ଫେରାର୍
ସୂଚନା ଅନୁଯାୟୀ ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ମହାଛାଇ ଗ୍ରାମର କରୁଣାକର ସାହୁଙ୍କୁ ତାଙ୍କ ପୁଅ ଟଙ୍କା ମାଗିଥିଲା । କରୁଣାକର ତାଙ୍କୁ ଟଙ୍କା ଦେବାକୁ ମନାକରି ଦେଇଥିଲେ । ଏହାକୁ ନେଇ ଉଭୟ ବାପ-ପୁଅଙ୍କ ମଧ୍ୟରେ ଯୁକ୍ତିତର୍କ ଚାଲିଥିବା ସମୟରେ ପୁଅ ହଠାତ୍ ଉତ୍ତ୍ୟକ୍ତ ହୋଇ ଏକ ଛୁରୀରେ କରୁଣାକରଙ୍କୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ତାଙ୍କୁ ହିଞ୍ଜିଳିକାଟୁ ଅପଖଣ୍ଡରେ ଭର୍ତ୍ତି କରାଯାଇଥିଲା ।
ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଅନ୍ୟପଟେ ଅଭିଯୁକ୍ତ ପୁଅ ଘଟଣାସ୍ଥଳୁ ଫେରାର୍ ହୋଇଯାଇ ଥିବାବେଳେ ପୋଲିସ ତଦନ୍ତ ଆରମ୍ଭ କରିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
