ବ୍ରହ୍ମପୁର: ରେଶମ ନଗରୀରେ ଘଟିଥିବା ଶାନ୍ତି ମିଶ୍ର ହତ୍ୟା ମାମଲାରେ ଗଞ୍ଜାମର ସାନଖେମୁଣ୍ଡି ବିଧାୟକ ରମେଶ ଜେନାଙ୍କ ସମେତ ପାଞ୍ଚ ଜଣ ନିର୍ଦ୍ଦୋଷରେ ଖଲାସ। ହତ୍ୟା ମାମଲାରେ ସାକ୍ଷୀଙ୍କୁ ଧମକଚମକ ଦେବା ଘଟଣାରେ ଏମାନଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ଅତିରିକ୍ତ ଜିଲ୍ଲା ଜଜ କୋର୍ଟ।
ଗତ ୨୦୧୬, ଜୁଲାଇ ମାସରେ ଏ ମାମଲା ରୁଜୁ ହୋଇଥିଲା । ମୁଖ୍ୟତଃ ବିଭିନ୍ନ ମାମଲାରେ ରମେଶ ଜେନା ବ୍ରହ୍ମପୁର ମଣ୍ଡଳ କାରଗାରରେ ଥିବା ବେଳେ ଶାନ୍ତି ମିଶ୍ର ହତ୍ୟା ମାମଲାର ସାକ୍ଷୀଙ୍କୁ ଧମକ ଦେବା ମାମଲା ହୋଇଥିଲା । ବ୍ରହ୍ମପୁର ସ୍ଥିତ ତୃତୀୟ ଅତିରିକ୍ତ ଜିଲ୍ଲା ଦୌରା ଜଜ୍ ଶୁଣାଣି କରି ଏହି ରାୟ ପ୍ରଦାନ କରିଛନ୍ତି।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
