ବ୍ରହ୍ମପୁର: ରେଶମ ସହର ବ୍ରହ୍ମପୁରକୁ ସୁନ୍ଦର ସହରରେ ପରିଣତ କରିବା ପାଇଁ ଚାଲିଛି ପୋଷ୍ଟର୍ ଚିରା ଅଭିଯାନ । ମହାନଗର ନିଗମ ପକ୍ଷରୁ ଏହାକୁ ଟିମ କ୍ଳିନ ସିଟି ନାମରେ କରାଯାଇଥିବା ବେଳେ ଏଥିରେ ଦିନକୁ ଦିନ ବିଭିନ୍ନ ବର୍ଗର ଜନସାଧାରଣ ସାମିଲ ହେଉଥିବା ଦେଖାଯାଉଛି ।
ତେବେ ସହରର ଗଣମାଧ୍ୟମ ପ୍ରତିନିଧିଙ୍କ ସମେତ ବିଭିନ୍ନ ବର୍ଗର ବ୍ୟକ୍ତି ବିଶେଷ ଏଥିରେ ସାମିଲ ହୋଇ ସହରକୁ ସୁନ୍ଦର କରିବାର ଉଦ୍ୟମ ଜାରି ରଖିଛନ୍ତି । ଏହାସହ ବିଭିନ୍ନ ସ୍ଥାନରେ ଲାଗିଥିବା ପୋଷ୍ଟର ଏବଂ ଛୋଟ ଛୋଟ ହୋଡିଙ୍ଗ ହଟାଇ ଦିଆଯାଉଥିବା ଦେଖାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସହରର ପ୍ରମୁଖ ରାସ୍ତାକଡ, କାନ୍ଥ ଏବଂ ଅନ୍ୟାନ୍ୟ ସ୍ଥାନରେ ଲାଗିଥିବା ପୋଷ୍ଟର୍ ଚିରା ଅଭିଯାନ ଗତ କିଛି ଦିନ ହେବ ଆରମ୍ଭ ହୋଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ
