ନୂଆଦିଲ୍ଲୀ: ଭାରତରେ କୋଭିଡ -19 ମହାମାରୀ ବିରୋଧୀ ଲଢେଇରେ ପୁଣି ଆଗକୁ ଆସିଲା ଟାଟା ଗ୍ରୁପ । ସଙ୍କଟ ସମୟରେ ସହଯୋଗ ପାଇଁ ଲିଣ୍ଡେ ଏବଂ ଟାଟା ଗ୍ରୁପ୍ 24 କ୍ରାୟୋଜେନିକ୍ ଅମ୍ଳଜାନ ଟ୍ୟାଙ୍କ ଅଧିଗ୍ରହଣ କରିଛନ୍ତି । ଜର୍ମାନୀ ସ୍ଥିତ ଲିଣ୍ଡେ ଗ୍ରୁପର ଭାରତୀୟ ୟୁନିଟ୍ ଏକ ବିବୃତ୍ତିରେ ଏ ନେଇ କହିଛି ।
ବିବୃତ୍ତିରେ ଦର୍ଶାଯାଇଛି କି, ଦେଶରେ ଏହି ଜରୁରୀ ସ୍ଥିତିରେ ସହଯୋଗ କରିବାକୁ ଲିଣ୍ଡେ ଇଣ୍ଡିଆ ଟାଟା ଗ୍ରୁପ ଏବଂ ଭାରତ ସରକାରଙ୍କ ହାତ ମିଳାଇଛି । ଯେପରି ସାରା ଦେଶରେ ଲିକ୍ୟୁଡି ମେଡିକାଲ ଅକ୍ସିଜେନ (LMO) ଉପଲବ୍ଧତା ବୃଦ୍ଧି ପାଇଁ ପଦକ୍ଷେପ ନିଆଯାଇପାରିବ ।
ମେଡିକାଲ ଅକ୍ସିଜେନର ଯୋଗାଣ ବଢାଇବା ପାଇଁ ଲିଣ୍ଡେ ଇଣ୍ଡିଆ ଟାଟା ଗ୍ରୁପ ସହ ବୁଝାମଣାରେ ଅନ୍ତରାଷ୍ଟ୍ରୀୟ ସୂତ୍ରରୁ 24 କ୍ରାୟୋଜେନିକ ଟ୍ୟାଙ୍କ ହାସଲ କରିଛି । ଯାହା ଫଳରେ ମେଡିକାଲ ଅକ୍ସିଜେନର ପରିବହନ ସୁନିଶ୍ଚିତ କରାଯାଇପାରିବ ।
ଏହି କଣ୍ଟେନର ବାୟୁମାର୍ଗରେ ଭାରତର ପୂର୍ବ ଭାଗରେ ପହଞ୍ଚିଛି ।
