ଜୟପୁର: ଇଟିଭି ଭାରତର ମହାପ୍ରଭାବ । ଜଣେ ଚାଷୀଙ୍କ ହଳଦୀ ଚାଷକୁ ନେଇ ଇଟିଭି ଭାରତରେ ଖବର ପ୍ରସାରଣ କରାଯାଇଥିଲା । ଖବରରେ ଅନୁପ୍ରାଣିତ ହୋଇ ଦେଶ ତଥା ବିଦେଶରେ କର୍ପୋରେଟ୍ ବ୍ୟବସାୟ କରୁଥିବା ସାରଦା ଗ୍ରୁପ୍ ଚେୟାରମ୍ୟାନଙ୍କ ପତ୍ନୀ ଚାଷୀଙ୍କ ନିକଟକୁ ଯାଇ ଚାଷ ସମ୍ବନ୍ଧରେ ପଚାରି ବୁଝିଥିଲେ । ଯାହାକୁ ନେଇ ଚାଷୀ ଜଣଙ୍କ ଇଟିଭି ଭାରତକୁ ଧନ୍ୟବାଦ ଜଣାଇଛନ୍ତି।
ସୂଚନା ଅନୁଯାୟୀ, ନିକଟରେ ଇଟିଭି ଭାରତରେ ରାଜସ୍ଥାନର ଭିଲୱାଡା ଜିଲ୍ଲା ଶାହପୁରା ଅଞ୍ଚଳର ପାନୋତିଆ ଗାଁର ଜଣେ ସଫଳ ଚାଷୀଙ୍କର ଖବର ପ୍ରସାରଣ କରାଯାଇଥିଲା । ଯେଉଁଥିରେ ଚାଷୀ ଜଣଙ୍କଲ ତାଙ୍କ କ୍ଷେତରେ ହଳଦୀ ଚାଷ ଭଲ ଲାଭ ପାଉଛନ୍ତି ଦର୍ଶାଯାଇଥିଲା । ଖବରଟି ଦେଖି ଶାରଦା ଗ୍ରୁପ୍ର ଚେୟାରମ୍ୟାନ୍ ଅନିଲ ମାନସିଂହଗାଙ୍କ ପତ୍ନୀ ମନୀଷା ମାନସିଂହଗା ଚାଷୀଙ୍କ ପାଖରେ ପହଞ୍ଚିଥିଲେ ।
ତେବେ ଏନେଇ ସେ କହିଛନ୍ତି, ଏକ ଛୋଟ ଗାଁର ଜଣେ ଚାଷୀ ଏତେ ଭଲ ଚାଷ ଅମଳ କରି ଲାଭ ପାଉଥିବା ଖବର ଦେଖି ମୁଁ ବହୁତ ଖୁସି ହୋଇଥିଲି । ଏଣୁ ତାଙ୍କ ଠାରୁ କିଛି ଶିଖିବା ପାଇଁ ଆଜି ମୁଁ ଏଠାରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
