ହାଇଦ୍ରାବାଦ : ତେଲେଙ୍ଗାନା ସମଶଦାବାଦରେ ମର୍ମନ୍ତୁଦ ସଡକ ଦୁର୍ଘଟଣାରେ ମୃତ୍ୟୁ ସଂଖ୍ୟା 7କୁ ବୃଦ୍ଧି ପାଇଛି । ଓସମାନିଆ ମେଡିକାଲରେ ଚିକିତ୍ସିତ ହେଉଥିବା ଜଣେ ଯୁବକଙ୍କର ଆଜି ମୃତ୍ୟୁ ହୋଇଛି । ମୃତକ ଜଣକ ହେଲେ ବୁଦ୍ଧାନ ବୋଲି ଜଣାପଡିଛି । ରବିବାର ଦିନ ଟ୍ରକ ଓ କାର ମୁହାଁମୁହିଁ ଧକ୍କା ଫଳରେ ଘଟଣାସ୍ଥଳରେ 6 ଜଣଙ୍କ ଜୀବନ ଯାଇଥିଲା ।
ତେବେ ଏହି ଦୁର୍ଘଟଣା ପାଇଁ ଜଣେ କନେଷ୍ଟବଳ ଦାୟୀ ବୋଲି ଜଣାପଡିଛି । କନେଷ୍ଟବଳ ଗିରିପ୍ରସାଦ ମାଧପୁର ପୋଲିସ ଷ୍ଟେସନରେ କାର୍ଯ୍ୟ କରନ୍ତି । ଗିରିପ୍ରସାଦ ଓ ତାଙ୍କର ଦୁଇ ସହଯୋଗୀ ରବିବାର ଦିନ ସମଶଦାବାଦକୁ କାର ଯୋଗେ ଫେରୁଥିବାବେଳେ ଏକ ଟ୍ରକକୁ ଧକ୍କା ଦେଇଥିଲେ । ଯେଉଁ ଟ୍ରକରେ ଶ୍ରମିକମାନେ ଯାତ୍ରା କରୁଥିଲେ । ଘଟଣାସ୍ଥଳରେ 3 ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ 3 ଜଣଙ୍କୁ ମେଡିକାଲ ନେବା ବାଟରେ ଆଖି ବୁଜିଥିଲେ । ହେଲେ ଆଜି ଜଣେ ଯୁବକଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁବରଣ କରିଛନ୍ତି । ଅଭିଯୁକ୍ତ କନେଷ୍ଟବଳଙ୍କୁ ଗିରଫ କରାଯାଇ ରିମାଣ୍ତରେ ନିଆଯିବ ବୋଲି ସୂଚନା ମିଳିଛି । ତେବେ ମଦ୍ୟପାନ କରି ଗାଡି ଚାଳନା ଯୋଗୁଁ ଦୁର୍ଘଟଣା ଘଟିଥିବା ଜଣାପଡିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
