ମୁମ୍ବାଇ: ମହାରାଷ୍ଟ୍ରର ଥାନେ ଅଞ୍ଚଳରୁ ଶିଶୁ ଚୋରି ଘଟଣା ଚାଞ୍ଚଲ୍ୟ ସୃଷ୍ଚି କରିଛି । ଘଟଣାରେ ପାଞ୍ଚ ଜଣ ଧରା ପଡିଥିବା ଜଣାପଡିଛି ।ଦିନକୁ ଦିନ ରାଜ୍ୟରେ ଅପରାଧିକ କାର୍ଯ୍ୟ ବଢିବାରେ ଲାଗିଛି । ଥାନେ ଅଞ୍ଚଳରୁ ତିନି ଜଣ ମହିଳା ଓ ଦୁଇ ଜଣ ପୁରୁଷ ଗୋଟିଏ ଦେଢ ବର୍ଷର ଶିଶୁ ପୁତ୍ରକୁ ଚୋରି କରି 70,000 ଟଙ୍କାରେ ବିକ୍ରି କରିଛନ୍ତି । ସୂଚନାଅନୁସାରେ ଶିଶୁଟି ସେପ୍ଟେମ୍ବର 15ତାରିଖ ଦିନ ଅମ୍ବରନାଥରେ ଥିବା ତାଙ୍କ ନିଜ ଘର ପାଖ ସର୍କସ ଗ୍ରାଉଣ୍ଡରେ ଖେଳୁଥିବା ସମୟରେ ଚୋରି ହେଇଥିବା ପୋଲିସ ଅଧିକାରୀ ସଂଜୟ ଧୁମାଲ କହିଛନ୍ତି ।
ଶିଶୁଟି ଚୋରି ହେବା ପରେ ଘରଲୋକ ବହୁତ ଖୋଜାଖୋଜି କରିଥିଲେ ହେଁ ପାଇନଥିଲେ । ପରେ ପୋଲିସରେ ଜଣାଇଥିଲେ । ପୋଲିସ ନିଖୋଜ ଶିଶୁର ଫଟୋ ଅମ୍ବରନାଥ ସହରର ସମସ୍ତ ଅଟୋରେ ଲଗାଇଥିଲା । ପରେ ପୋଲିସ ଖବର ପାଇ ଉଲ୍ଲାସନଗର ସହରର ଭାରତ ନଗରରୁ ଉଦ୍ଧାର କରିଥିଲା । ପୋଲିସର ତଦନ୍ତ ପରେ ଶିଶୁଟି 70,000ଟଙ୍କାରେ ଜୈନତବି ଫକିର ମହୋମଦ ନାମକ ମହିଳାଙ୍କୁ ବିକ୍ରି କରାଯାଇଥିଲା ।
ଘଟଣାର ଅଧିକ ପଚରାଉଚରା କରିବା ପରେ ମହିଳା ଜଣକ ଏ ଘଟଣାରେ ଆଉ ଚାରିଜଣ ଲିପ୍ତ ଥିବା କହିଛନ୍ତି । ପୋଲିସ ଉକ୍ତ ମାମଲାରେ ପୂଜା ମହେଶ ଚେତିଆର(28), ସେରୁ ସୁଖ୍ରମ ସରେଜ(45), ମୁକେଶ ଅନିଲ ଖରଭା(36) ଓ ମାୟା ସୁଖଦେବ କାଲେଙ୍କୁ ଗିରଫ କରିଛି ।
