ଗାଜିଆବାଦ: ସାଧାରଣତଃ କାରର ଭିତର ସିଟରେ ବସି ଲୋକେ ଯାତ୍ରା କରିଥାନ୍ତି । କିନ୍ତୁ ଉତ୍ତର ପ୍ରଦେଶର ଗାଜିଆବାଦରେ ଏପରି ଏକ ଘଟଣା ଦେଖିବାକୁ ମିଳିଛି ଯେଉଁଠାରେ କାରର ବନେଟ ପାଲଟିଛି ସିଟ । ତେବେ ଏଥିରେ କେହି ସ୍ବଇଚ୍ଛାରେ ବସି ନାହାନ୍ତି । ବରଂ ଘଟଣାକ୍ରମେ ଏଥିରେ ବସିବାକୁ ପଡିଥିଲା ।
ଘଟଣାଟି ଆଜି ସକାଳ ପ୍ରାୟ 10ଟାରୁ 11ଟା ଭିତରେ ଘଟିଛି । ରାସ୍ତାରେ ଗାଡିମୋଟର ଯିବାଆସିବା କରୁଥିବାବେଳେ ସମସ୍ତେ ନିଜ ନିଜ କାମରେ ବ୍ୟସ୍ତ ଥିଲେ । ହଠାତ ଏକ ଦୃଶ୍ୟ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଗୋଟିଏ କାର ହର୍ଣ୍ଣ ବଜାଇ ଦ୍ରୁତଗତିରେ ମାଡି ଚାଲିଥିଲା । ଏପଟସେପଟ ହୋଇ ଏହା ଆଗକୁ ମାଡି ଚାଲିଥିଲା । ସାଇଡରେ ଯାଉଥିବା ଲୋକେ ଏଥିରେ ଭୟଭୀତ ହୋଇଯାଇଥିଲେ । କାରଣ ଏହା ଭିତରେ ଥିବା ଡ୍ରାଇଭର ଏପରି ବେପାରୁଆ ଭାବେ ଗାଡି ଚଲାଉଥିଲେ ଯେ କେତେବେଳେ କାହାକୁ ଧକ୍କା ଦେବେ ଜଣାନଥିଲା ।
#WATCH In a shocking case of road rage seen in Ghaziabad, driver of a car drove for almost 2 kilometers with a man clinging on to the car bonnet. The driver was later arrested by Police (6.3.19) (Note:Strong language) pic.twitter.com/hocrDi7qgg
— ANI UP (@ANINewsUP) March 7, 2019 " class="align-text-top noRightClick twitterSection" data="
">#WATCH In a shocking case of road rage seen in Ghaziabad, driver of a car drove for almost 2 kilometers with a man clinging on to the car bonnet. The driver was later arrested by Police (6.3.19) (Note:Strong language) pic.twitter.com/hocrDi7qgg
— ANI UP (@ANINewsUP) March 7, 2019#WATCH In a shocking case of road rage seen in Ghaziabad, driver of a car drove for almost 2 kilometers with a man clinging on to the car bonnet. The driver was later arrested by Police (6.3.19) (Note:Strong language) pic.twitter.com/hocrDi7qgg
— ANI UP (@ANINewsUP) March 7, 2019
ତେବେ ଏହାଠାରୁ ଆହୁରି ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଥିଲା । କାରର ବନେଟ ଉପରେ ଜଣେ ବ୍ୟକ୍ତି ଝୁଲନ୍ତା ଅବସ୍ଥାରେ ରହିଥିଲେ । କାରଟି ଆଗକୁ ମାଡି ଚାଲିଥିବାବେଳେ ଉକ୍ତ ବ୍ୟକ୍ତି ଜଣକ ଝୁଲି ଝୁଲି ସାମନା ବନେଟରେ ଯାଉଥିଲେ । ତେବେ ସେ ନିଜ ଇଚ୍ଛାରେ ସେଠାରେ ବସିନଥିବା ସ୍ପଷ୍ଟ ହୋଇଥିଲା । କାରଣ କାଳେ ଖସିଯିବେ ଏହି ଡରରେ ସେ କାରର ଦୁଇଟି ୱାଇପରକୁ ପ୍ରାଣ ବିକଳରେ ଜାବୁଡି ଧରିଥିଲେ । କାରର ବେଗ ଦେଖି ନା ସେ କାରକୁ ଅଟକାଇ ପାରୁଥିଲେ ନା କାରରୁ ଓହ୍ଲାଇ ପାରୁଥିଲେ । ଅପେକ୍ଷା କରିଥିଲେ କାରଟି କେତେବେଳେ ରହିବ ।
ପାଖାପାଖି 2 କିଲୋମିଟର ଏମିତି ଘୋଷାରି ହୋଇ ଯିବା ପରେ ଶେଷରେ କାରଟି ରାସ୍ତା କଡ ଏକ ଡିଭାଇଡର ପାଖରେ ଅଟକି ଯାଇଥିଲା । ଆଉ ଆଶ୍ବସ୍ତ ହୋଇ କାର ବନେଟରୁ ଓହ୍ଲାଇଥିଲେ ବ୍ୟକ୍ତି ଜଣକ । ଜୀବନ ବଞ୍ଚିଗଲା ଭାବି ସେ ଦୀର୍ଘ ନିଶ୍ବାସ ନେଇଥିବେ। ଓହ୍ଲାଇବା ପରେ କାର ଡ୍ରାଇଭର ଉପରେ ସୁଝାଇଥିଲେ ନିଜ ରାଗ । ଚିତ୍କାର କରି ବାହାରକୁ ଆସିବା ପାଇଁ ଡ୍ରାଇଭରକୁ କହିଥିଲେ । ଏପରିକି ସେ କାର ବନେଟ ଉପରେ ଚଢିଯାଇ ବାହାରିବା ପାଇଁ ଡ୍ରାଇଭରକୁ ଧମକ ଦେଇଥିଲେ । ଡ୍ରାଇଭରର ମୁହଁ ଦେଖାଯାଉନଥିବାବେଳେ ପାଖରେ ଲୋକେ ଜମିଯାଇଥିଲେ । ତେବେ ଖବର ଅନୁସାରେ ପୋଲିସ ଉକ୍ତ ଡ୍ରାଇଭରକୁ ଗିରଫ କରିଥିବାର ସୂଚନା ରହିଛି ।