ଭୋପାଲ: ମଧ୍ୟପ୍ରଦେଶ ସରକାର ଦୀପିକା ପାଦୁକୋନଙ୍କ 'ଛପାକ' ଫିଲ୍ମକୁ ଟ୍ୟାକ୍ସ ଫ୍ରି ଘୋଷଣା କରିଛନ୍ତି । ସେହିପରି କଟନୀ ଜିଲ୍ଲାର କଂଗ୍ରେସ ଛାତ୍ର ସଂଗଠନ (ଏନଏସୟୁଆଇ) ଛାତ୍ରଛାତ୍ରୀଙ୍କୁ ‘ଛପାକ’ ଫିଲ୍ମ ମାଗଣାରେ ଦେଖାଇବା ପାଇଁ ବ୍ୟବସ୍ଥା କରିଛି । ପ୍ରଥମ ଦିନ ପ୍ରଥମ ଶୋ ମାଗଣାରେ ଫିଲ୍ମ ଦେଖିପାରିବେ ଛାତ୍ରଛାତ୍ରୀ ।
ଦିଲ୍ଲୀର ଜେଏନୟୁ ବିଶ୍ବବିଦ୍ୟାଳୟରେ ଲାଗି ରହିଥିବା ଛାତ୍ରଛାତ୍ରୀମାନଙ୍କ ବିରୋଧ ପ୍ରଦର୍ଶନରେ ଦୀପିକା ପାଦୁକୋନ ସାମିଲ ହୋଇଥିଲେ । ଏହାପରେ ବିଜେପି ସମର୍ଥକ ମାନେ ଦୀପିକା ପାଦୁକୋନ ଅଭିନୀତ ଫିଲ୍ମ 'ଛପାକ'ର ବହିଷ୍କାର ପାଇଁ ଦାବି ଆରମ୍ଭ ହୋଇଥିଲା । ଏହା ବିରୋଧରେ ଏନଏସୟୁଆଇ କଟନୀ ଜିଲ୍ଲାରେ ନିଜସ୍ବ ଖର୍ଚ୍ଚରେ ଛପାକ ଫିଲ୍ମର ଫାଷ୍ଟ ଶୋ ଦେଖାଇବା ନେଇ ଘୋଷଣା କରିଥିଲେ ।
ରାଜ୍ୟ ଏନଏସୟୁଆଇର ମୁଖପାତ୍ର ବିବେକ ତ୍ରିପାଠୀ କହିଛନ୍ତି ଜେଏନୟୁରେ ଛାତ୍ର ସଂସଦର ନିର୍ବାଚିତ ପ୍ରତିନିଧି ନିଜ କର୍ତ୍ତବ୍ୟ ପାଳନ କରୁଥିଲେ ଏବଂ ବୃଦ୍ଧି କରାଯାଇଥିବା ଫି ବିରୋଧରେ ଛାତ୍ରଛାତ୍ରୀ ମାନେ ଲଢେଇ ଜାରି ରଖିଥିଲେ । ଏହି ସମୟରେ ସରକାରଙ୍କ ସମର୍ଥନରେ ଥିବା କିଛି ସଂଗଠନ ତାଙ୍କୁ ମରଣାନ୍ତକ ଆକ୍ରମଣ କରିଥିଲା । ପୋଲିସ ସମସ୍ତ ଘଟଣାବଳୀକୁ ଦର୍ଶକ ଭାବରେ ଦେଖୁଛି । ଏହାପରେ ପୋଲିସ ଆକ୍ରମଣର ଶିକାର ପୀଡିତାଙ୍କ ଉପରେ ହିଁ ମାମଲା ରୁଜୁ କରାଯାଇଛି ଯାହାକୁ ନେଇ ସାରା ଦେଶରେ ଛାତ୍ର ସଂଗଠନରେ କ୍ରୋଧ ଦେଖିବାକୁ ମିଳିଥିଲା । ଏହାପରେ ଜେଏନୟୁରେ ହଜାର ହଜାର ଛାତ୍ରଛାତ୍ରୀ ଆନ୍ଦୋଳନ କରିଛନ୍ତି ।
ଜେଏନୟୁରେ ଚାଲୁଥିବା ଆନ୍ଦୋଳନରେ ସାମିଲ ହୋଇ ବଲିଉଡ ଅଭିନେତ୍ରୀ ଦୀପିକା ପାଦୁକନ ଛାତ୍ରଛାତ୍ରୀ ମାନଙ୍କୁ ସମର୍ଥନ କରିଥିଲେ । ଏହାପରେ ସଂଘ ଓ ବିଜେପି ର ସମର୍ଥକ ମାନେ ଦୀପିକାଙ୍କ ଆଗାମୀ ଫିଲ୍ମକୁ ବିରୋଧ କରି ଦେଶଦ୍ରୋହୀ ଭାବରେ ପ୍ରଦିପାଦନ କରାଗଲା । ଏହା ବିରୋଧରେ ଏନଏସୟୁଆଇ ନିଜସ୍ବ ଖର୍ଚ୍ଚରେ ଛପାକ ଫିଲ୍ମର ପ୍ରଥମ ଦିନ ଫାଷ୍ଟ ଶୋ ଦେଖାଇବାର ଘୋଷଣା କରିଥିଲା ବୋଲି ମୁଖପାତ୍ର ବିବେକ ତ୍ରିପାଠୀ କହିଛନ୍ତି ।
