ନୂଆଦିଲ୍ଲୀ: ପୁଣି ଜଣେ ଚାଷୀଙ୍କ ଆତ୍ମହତ୍ୟା । ପଞ୍ଜାବର ବର୍ଣ୍ଣାଲରେ ଜଣେ ଚାଷୀ ରଶି ଲଗାଇ ଆତ୍ମହତ୍ୟା କରିଛନ୍ତି । ମୃତକ ଜଣଙ୍କ ନାମ ହେଲା ନିର୍ମଳ ସିଂହ । ମୃତ ବ୍ୟକ୍ତି ଭାରତୀୟ କୃଷକ ସଂଘ ଏକତା ଡକୌଦାର ଜଣେ ସକ୍ରିୟ ସଦସ୍ୟ ମଧ୍ୟ ଥିଲେ। ଏହାସହ ସେ କିଛି ଦିନ ତଳେ ଦିଲ୍ଲୀ ଆନ୍ଦୋଳନରୁ ଫେରିଥିଲେ । 5 ଲକ୍ଷ ଟଙ୍କାର ଋଣ ତାଙ୍କ ମୁଣ୍ଡ ଉପରେ ଥିଲା ।
କୃଷକ ସଂଗଠନ ମୃତ କୃଷକଙ୍କ ଋଣ ଛାଡ କରିବାକୁ, ସରକାରୀ ଚାକିରି ଦେବାକୁ ଏବଂ ପରିବାର ସଦସ୍ୟଙ୍କୁ କ୍ଷତିପୂରଣ ଦେବାକୁ ସରକାରଙ୍କୁ ଦାବି କରିଛି। ଅନ୍ୟପକ୍ଷେ ଦିଲ୍ଲୀ ସୀମାରେ ବିରୋଧ ପ୍ରଦର୍ଶନ କରୁଥିବା ଆଉ ଜଣେ ଚାଷୀଙ୍କ ମୃତ୍ୟୁ ହୋଇଛି । ମୃତକ ଜଣକ ଶ୍ରୀ ମୁକ୍ତେସର ସାହିବର 61 ବର୍ଷିୟ ଜଗଦିଶ ସିଂ । ତାଙ୍କର ହୃଦଘାତରେ ମୃତ୍ୟୁ ହୋଇଥିବା ସୂଚନା ।
ବ୍ୟୁରୋ ରିପୋର୍ଟ, ଇଟିଭି ଭାରତ
