ସିମଲା: କାଙ୍ଗଡା ଜିଲ୍ଲାର ପାଲାମପୁରର ଏକ ଘରୋଇ ନର୍ସିଂ କଲେଜରେ 30 ଜଣ ଛାତ୍ରୀ କରୋନା ସଂକ୍ରମିତ ହୋଇଥିବା ତଥ୍ୟ ସାମ୍ନାକୁ ଆସିଛି । ଏହି ରିପୋର୍ଟ ଆସିବା ପରେ କଲେଜ ପରିସରରେ ସାମାନ୍ୟ ଭୟର ବାତାବରଣ ଦେଖାଯାଇଛି । ମଙ୍ଗଳବାର କଲେଜର 16 ଛାତ୍ରୀ କରୋନା ସଂକ୍ରମିତ ହୋଇଥିବାବେଳେ, ବର୍ତ୍ତମାନ ଏହି ସଂଖ୍ୟା 46ରେ ପହଞ୍ଚିଛି | କଲେଜରେ ମୋଟ 268 ଛାତ୍ରୀଙ୍କର କୋଭିଡ ପରୀକ୍ଷା କରାଯାଇଥିଲା | ତଥାପି କିଛି ରିପୋର୍ଟ ଆସିବା ବାକିଥିବା ଜଣାପଡିଛି ।
ଘଟଣା ସମ୍ପର୍କରେ କାଙ୍ଗରା ଜିଲ୍ଲାର ମୁଖ୍ୟ ଚିକିତ୍ସାଧିକାରୀ ଦର୍ଶନ ସିଂ ଗୁପ୍ତା କହିଛନ୍ତି ଯେ ପାଲାମପୁରର ବେସରକାରୀ ନେତାଜୀ ସୁଭାଷ ଚନ୍ଦ୍ର ବୋଷ ନର୍ସିଂ କଲେଜର ଏପରି ଚିତ୍ର ସାମ୍ନାକୁ ଆସିଛି ଯାହା ଚିନ୍ତାଜନକ । ଏହି କଲେଜର ପ୍ରଥମ ତିନି ଝିଅ କରୋନା ପଜିଟିଭ୍ ବୋଲି ଜଣାପଡିବା ପରେ ଅନ୍ୟମାନଙ୍କ ନମୁନା ପରୀକ୍ଷା ପାଇଁ ପଠାଯାଇଥିଲା । ପରେ ପୁଣି ଅନ୍ୟ 16 ଜଣ ଝିଅଙ୍କର ମଧ୍ୟ କରୋନା ସଂକ୍ରମଣ ଚିହ୍ନଟ ହୋଇଥିଲେ ।
ବର୍ତ୍ତମାନ ଆଉ 30 ଜଣ ଝିଅ କରୋନାରେ ଆକ୍ରାନ୍ତ ପରେ 46 ଜଣ ଛାତ୍ରୀଙ୍କ ରିପୋର୍ଟ କରୋନା ପଜିଟିଭ ରହିଥିବା ସୂଚନା ରହିଛି । ଏଥି ସହିତ କାଙ୍ଗଡା ଜିଲ୍ଲାରେ ଏପର୍ଯ୍ୟନ୍ତ 8290 କରୋନା ମାମଲା ରିପୋର୍ଟ ହୋଇଥିବା ଜଣାଯାଇଛି। ଏହି 92ଟି ମଧ୍ୟରୁ ସକ୍ରିୟ ମାମଲା ରହିଥିବାବେଳେ ବର୍ତ୍ତମାନ ସୁଦ୍ଧା 205 ଜଣଙ୍କର ମୃତ୍ୟୁ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
