ଓଡ଼ିଆ ନ୍ୟୁଜ ଚ୍ୟାନେଲ ବିରୋଧରେ କାର୍ଯ୍ୟାନୁଷ୍ଠାନ ନିର୍ଦ୍ଦେଶ, ସ୍ବାସ୍ଥ୍ୟବସ୍ଥା ଯାଞ୍ଚ ପାଇଁ ଏମ୍ସରେ ଆଶିଷ ସିଂହ

ଭୁବନେଶ୍ବର: ନିର୍ବାଚନ ଆଚରଣ ବିଧି ଉଲ୍ଲଂଘନ କରି ଓଡ଼ିଶା ବିଧାନସଭା ଫଳାଫଳ ସମ୍ପର୍କିତ ଏକଜିଟି ପୋଲ ପ୍ରସାରଣ କରିବା ଏକ ଘରୋଇ ଓଡ଼ିଆ ନ୍ୟୁଜ ଚ୍ୟାନେଲକୁ ମହଙ୍ଗା ପଡିଛି । ସମ୍ପୃକ୍ତ ଚ୍ୟାନେଲ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ନିର୍ବାଚନ କମିସନ । ଆଜି ସନ୍ଧ୍ୟା ସାଢେ ୫ଟା ସୁଦ୍ଧା ଏନେଇ ରିପୋର୍ଟ ଦେବାକୁ ସିଇଓଙ୍କୁ ନିର୍ଦ୍ଦେଶ ରହିଛି । ଏପ୍ରିଲ୧୯ ସକାଳ ୭ଟାରୁ ଜୁନ ୧ ସନ୍ଧ୍ୟା ୬ଟା ପର୍ଯ୍ୟନ୍ତ ଓପିନିଅନ ପୋଲ ଓ ଏକଜିଟ ପୋଲ ଉପରେ କଟକଣା ଜାରି କରିଛନ୍ତି ଇସିଆଇ । ସେପଟେ ନିର୍ବାଚନ କମିସନଙ୍କ ନିର୍ଦ୍ଦେଶକ୍ରମେ ଆଜି ଭୁବନେଶ୍ବରସ୍ଥିତ ଏମ୍ସରେ ଆଇପିଏସ ଆଶିଷ ସିଂହଙ୍କ ସ୍ବାସ୍ଥ୍ୟବସ୍ଥା ଯାଞ୍ଚ ହେଉଛି । ଏଥିପାଇଁ ଏମ୍ସ ଏକ ସ୍ବତନ୍ତ୍ର ମେଡିକାଲ ବୋର୍ଡ ଗଠନ କରିଛି । ବୋର୍ଡ ଆସନ୍ତାକାଲି ସୁଦ୍ଧା ଇସିଆଙ୍କ ନିକଟରେ ନିଜ ରିପୋର୍ଟ ଦାଖଲ କରିବ ।