ତତଲା ବାଲିରେ ପାମ୍ପଡ ଭାଜିଲେ ଯବାନ, ଦେଖନ୍ତୁ ଭିଡିଓ - JAWAN BAKING PAPAD

Jawan Baking Papad In Sand: ଜୟପୁର: ଦେଶର ସ୍ଥାନେ ସ୍ଥାନେ ବର୍ଷା ହୋଇଥିବାବେଳେ ଆଉ କେତେକ ସ୍ଥାନରେ ପ୍ରବଳ ଗରମ ଅନୁଭୂତ ହେଉଛି । ଏହାରି ଭିତରେ ରାଜସ୍ଥାନରୁ ଏମିତି ଦୃଶ୍ୟ ସାମନାକୁ ଆସିଛି ଯାହା ଦେଖିବା ପରେ ଆପଣ ଆଶ୍ଚର୍ଯ୍ୟ ହୋଇଯିବେ । ସୂଚନା ଅନୁସାରେ, ଆଜି (ବୁଧବାର) ବିକାନେରରେ ୪୬ ଡିଗ୍ରୀ ତାପମାତ୍ରା ରେକର୍ଡ ହୋଇଥିଲା । ଭାରତ-ପାକିସ୍ତାନ ସୀମାରେ ଭୀଷଣ ଗରମରେ ଜଣେ ଯବାନ ଉତ୍ତପ୍ତ ବାଲିରେ ପାମ୍ପଡ ସେକୁଥିବା ଦେଖିବାକୁ ମିଳିଛି ।

ଭିଡିଓରେ ଦେଖିବାକୁ ମିଳିଛି ଯେ, ଯବାନ ଜଣଙ୍କ ବାଲି ତଳେ ପାମ୍ପଡ ରଖିଦେଉଛନ୍ତି । ଆଉ ମାତ୍ର କିଛି ମିନିଟ ପରେ ତାକୁ ବାହାରକୁ ଆଣିଛନ୍ତି । ତେବେ ପାମ୍ପଡଟି ଭୀଷଣ ଗରମ କାରଣରୁ ଟାଣ ହୋଇଯାଇଥିବା ଦେଖିବାକୁ ମିଳିଛି । ଯାହାକି ଗରମର ମାତ୍ରାକୁ ଦର୍ଶାଉଛି । ଏହି ଭିଡିଓ ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି ।