ତୃତୀୟ ପର୍ଯ୍ୟାୟ ମତଦାନ, ଭୋଟ ଦେଲେ ହେଭିୱେଟ ନେତା ସୁଶାନ୍ତ-ଅନନ୍ତ - bhubaneswar LOK SABHA CONSTITUENCY

BHUBANESWAR LOK SABHA CONSTITUENCY: ଭୁବନେଶ୍ବର: ରାଜ୍ୟରେ ଶେଷ ହୋଇଛି ତୃତୀୟ ପର୍ଯ୍ୟାୟ ନିର୍ବାଚନ । ଏହି ଅବସରରେ ଭୋଟ ଦେଇଛନ୍ତି ରାଜଧାନୀର ଦୁଇ ହେଭିୱେଟ ନେତା ତଥା ବିଧାୟକ ସୁଶାନ୍ତ ରାଉତ ଓ ଅନନ୍ତ ନାରାୟଣ ଜେନା । ରାଜଭବନରେ ସରକାରୀ ଉଚ୍ଚ ବିଦ୍ୟାଳୟରେ ଆସି ନିଜର ମତ ସାବ୍ୟସ୍ତ କରିଛନ୍ତି ମଧ୍ୟ ବିଧାୟକ ପ୍ରାର୍ଥୀ ଅନନ୍ତ ନାରାୟଣ ଜେନା । ସେପଟେ ମମତାଜ ଅଲ୍ଲୀ ହାଇସ୍କୁଲରେ ମତ ସାବ୍ୟସ୍ତ କରିଛନ୍ତି ଉତ୍ତର ବିଧାୟକ ପ୍ରାର୍ଥୀ ସୁଶାନ୍ତ ରାଉତ । ଉଭୟ ଭୋଟ ଦେବା ପରେ କହିଛନ୍ତ ଯେ, ଗଣତନ୍ତ୍ରର ଏହି ମହାନ ପର୍ବରେ ଭୋଟ ଦେବା ଏକ ଅଧିକାର । ଯାହା ସୁନିଶ୍ଚିତ କରେ ନିଜର ଯୋଗ୍ୟ ପ୍ରାର୍ଥୀର ବିଜୟୀକୁ ତେଣୁ ଆମେ ସାମିଲ ହୋଇ ଖୁସି ଓ ଗର୍ବିତ ଅନୁଭବ କରୁଛୁ । ଏହି କ୍ରମରେ ସମସ୍ତଙ୍କୁ ଗଣତନ୍ତ୍ରର ମହାପର୍ବରେ ସାମିଲ ହୋଇ ମତଦାନ କରିବାକୁ ସେମାନେ ସମସ୍ତଙ୍କୁ ଆହ୍ବାନ କରିଥିଲେ ।

ଇଟିଭି ଭାରତ, ଭୁବନେଶ୍ବର