କଟକ ଚଣ୍ଡୀଙ୍କ ଆଶୀର୍ବାଦ ନେଇ ବଡ଼ଚଣା ଅଭିଯାନ ଆରମ୍ଭ କଲେ ବର୍ଷା - VARSHA PRIYADARSHINI

BJD Candidate Varsha Priyadarshini: କଟକ: ଚଣ୍ଡି ମନ୍ଦିର ଦର୍ଶନ କଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଆଜି (ଶନିବାର) ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକାରେ ବଡ଼ଚଣା ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଭାବେ ବର୍ଷା ପ୍ରିୟଦର୍ଶିନୀଙ୍କ ନାଁ ଘୋଷଣା କରିଛନ୍ତି । ନାଁ ଘୋଷଣା ହେବା ପରେ କଟକ ଚଣ୍ଡୀ ମନ୍ଦିର ଆସି ମାଆଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଛନ୍ତି ବର୍ଷା । ଏଥିସହ ତାଙ୍କ ଉପରେ ମୁଖ୍ୟମନ୍ତ୍ରୀ ଆସ୍ଥା ପ୍ରକଟ କରି ଥିବାରୁ ସେ କୃତଜ୍ଞତା ଜ୍ଞାପନ କରିଛନ୍ତି । ମୁଖ୍ୟମନ୍ତ୍ରୀ ଭରସା କରିଥିବାରୁ ତାଙ୍କ ସମ୍ମାନ ରକ୍ଷା କରିବି ବୋଲି କହିଛନ୍ତି ବର୍ଷା । 

ସୂଚନାଯୋଗ୍ୟ, ଗତକାଲି (ଶୁକ୍ରବାର) ଶଙ୍ଖ ଧରିଥିଲେ ଓଲିଉଡ଼ର ଷ୍ଟାର ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ଆଉ ବିଜେଡି ଆଜି ତାର ଷଷ୍ଠ ପର୍ଯ୍ୟାୟ ପ୍ରାର୍ଥୀ ଘୋଷଣା କରିଛି । ବର୍ଷାଙ୍କୁ ବଡ଼ଚଣା ଆସନରୁ ଲଢ଼ିବା ପାଇଁ ବିଜେଡି ସୁପ୍ରିମୋ ଘୋଷଣା କରିଛନ୍ତି । 
 

ଇଟିଭି ଭାରତ, କଟକ