ହାଇଦ୍ରାବାଦ: ଖୁବଶୀଘ୍ର ବଲିଉଡ ଲୋକପ୍ରିୟ ଦମ୍ପତି ରଣଭୀର ସିଂ ଏବଂ ଦୀପିକା ପାଦୁକୋନଙ୍କ ଘରକୁ ଆସିବ ନୂଆ ଅତିଥି । ଏହି ସମୟରେ ପ୍ରେଗନେନ୍ସି ପାଇଁ ଦୀପିକାଙ୍କୁ ସମାଲୋଚନା କରିଛନ୍ତି ନେଟିଜେନ୍ସ । ବର୍ତ୍ତମାନ ସ୍ୱାମୀ ତଥା ଅଭିନେତା ରଣଭୀର ସିଂ ଦୀପିକାଙ୍କ ସମର୍ଥନରେ ବାହାରି ଟ୍ରୋଲର୍ସଙ୍କୁ କଡା ଜବାବ ଦେଇଛନ୍ତି । ରଣଭୀର ସୋସିଆଲ ମିଡିଆରେ ଦୀପିକାଙ୍କ ଅନେକ ଫଟୋ ସେୟାର କରି ତାଙ୍କ ପ୍ରଶଂସା କରିବା ସହ ଟ୍ରୋଲର୍ସଙ୍କୁ ଜବାବ ଦେଇଛନ୍ତି ।
ରଣଭୀର ନିଜ ଇନଷ୍ଟାଗ୍ରାମ ଷ୍ଟୋରୀରେ ଦୀପିକାଙ୍କ ଅନେକ ଫଟୋ ସେୟାର କରିଛନ୍ତି । ଏହି ଫଟୋରେ ଦୀପିକା ୟେଲୋ ଗାଉନରେ ନଜର ଆସିଛନ୍ତି । ଏହା ସେୟାର କରି ସେ କ୍ୟାପସନରେ ଟ୍ରୋଲର୍ସଙ୍କୁ ଟାର୍ଗେଟ କରି ଲେଖିଛନ୍ତି, 'ବୁରି ନଜର ୱାଲେ ତେରା ମୁଁ କାଲା' ଏହାର ଅର୍ଥ ଖରାପ ନଜରରେ ଦେଖୁଥିବା ଲୋକଙ୍କୁ ମୁହଁ କଳା । ସେ ସେୟାର କରିଥିବା ଅନ୍ୟ ଫଟୋରେ ଦୀପିକାଙ୍କ ପ୍ରଶଂସା କରି ମୋ ସନସାଇନ ବୋଲି କହିଛନ୍ତି ।
ସୂଚନା ଥାଉ କି, ମେ' ୨୦ରେ, ଦୀପିକା ଏବଂ ରଣଭୀର ସିଂ ମୁମ୍ବାଇ ଏକ ମତଦାନ କେନ୍ଦ୍ରରେ ଭୋଟ ଦେବା ପାଇଁ ପହଞ୍ଚିଥିଲେ । ଏହି ସମୟରେ ଦୀପିକାଙ୍କ ବେବି ବମ୍ପ ଲୁକ ଦେଖିବାକୁ ମିଳିଥିଲା । ଯାହାର ଅନେକ ଫଟୋ ଏବଂ ଭିଡିଓ ବେଶ ଭାଇରାଲ ହୋଇଥିଲା । ଯାହାପରେ ଟ୍ରୋଲର୍ସ ତାଙ୍କୁ ସମାଲୋଚନା କରିଥିଲେ । ଅନେକ ତାଙ୍କ ବେବି ବମ୍ପକୁ ନକଲି ବୋଲି କହିବା ସହ ଅନେକ ତାଙ୍କ ପ୍ରେଗନେନ୍ସିକୁ ନେଇ ଥଟ୍ଟା କରିଥିଲେ ।
ଏହା ମଧ୍ୟ ପଢନ୍ତୁ: ଦୀପଭୀରଙ୍କ ଘରକୁ ଆସିବେ ନୂଆ ଅତିଥି, ଫ୍ୟାନ୍ସଙ୍କୁ ଦେଲେ ଖୁସି ଖବର
ସେପ୍ଟେମ୍ୱରରେ ଆସିବ କୁନି ଅତିଥି
ପ୍ରକାଶ ଥାଉକି, ବିବାହର ୬ ବର୍ଷ ପରେ ପିତାମାତା ହେବାକୁ ଯାଉଛନ୍ତି ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣଭୀର ସିଂ । ରଣଭୀର ଏବଂ ଦୀପିକା ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ୨୦୧୮ରେ ବିବାହ କରିଥିଲେ । ତେବେ ଚଳିତ ସେପ୍ଟେମ୍ୱରରେ ଦୀପିକା ସନ୍ତାନ ପ୍ରସବ କରିବେ । ଏନେଇ ଉଭୟ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ସୂଚନା ଦେଇଥିଲେ ।
ଏହା ମଧ୍ୟ ପଢନ୍ତୁ: ଦବଙ୍ଗ ଦୀପିକାଙ୍କ ଲେଡି ସିଂଘମ ଲୁକ୍, ଫଟୋ ଦେଖି ଫ୍ୟାନ୍ସ ଫିଦା
ବ୍ୟୁରୋ ରିପୋର୍ଟ, ଇଟିଭି ଭାରତ
