ହାଇଦ୍ରାବାଦ: ଟିଭି ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀଙ୍କ ମଧ୍ୟରେ ଅନ୍ୟତମ ଅଙ୍କିତା ଲୋଖଣ୍ଡେ । ଅଭିନେତ୍ରୀ ଛୋଟ ପରଦାରେ ନିଜର ଜଲୱା ଦେଖାଇବା ପରେ ଏବେ ବଡ ପରଦାରେ ନିଜର ଅଭିନୟର ଯାଦୁ ଦେଖାଉଛନ୍ତି । ଅଭିନେତ୍ରୀ ନିକଟରେ ଅଭିନେତା ରଣଦୀପ ହୁଡ୍ଡାଙ୍କ ସହ ସିଲଭର ସ୍କ୍ରିନରେ ଫିଲ୍ମ 'ସ୍ୱତନ୍ତ୍ର ବୀର ସାବରକର'ରେ ନଜର ଆସିଥିବା ବେଳେ ନିଜର ଅଭିନୟ ପାଇଂ ପ୍ରଶଂସା ସାଉଁଟୁଛନ୍ତି । ଏହାରି ମଧ୍ୟରେ ବର୍ତ୍ତମାନ ଅଭିନେତ୍ରୀ ଓଟିଟିରେ ମଧ୍ୟ ଧମାକା କରିବାକୁ ପ୍ରସ୍ତୁତ ରହିଛନ୍ତି । ଆଜି ଏପ୍ରିଲ ୯ରେ ତାଙ୍କ ଅଭିନୀତ ୱେବ ସିରିଜ ଘୋଷଣା କରାଯାଇଛି ।
ଏହି ୱେବ ସିରିଜରେ ଆସିବେ ନଜର
ଲୋକପ୍ରିୟ ନିର୍ଦ୍ଦେଶକ ସନ୍ଦୀପ ସିଂଙ୍କ ୱେବ୍ ଶୋ'ରେ ଅଙ୍କିତାଙ୍କୁ ଦେଖିବାକୁ ମିଳିବ । ୱେବ ସିରିଜ 'ଅମ୍ରାପଲି'ରେ ସେ ନଜର ଆସିବେ । ଆଜି ତାଙ୍କ ଲୁକ୍ ଶୋ'ରୁ ପ୍ରକାଶ ପାଇଛି । ନିର୍ଦ୍ଦେଶକ ସନ୍ଦୀପ ସିଂ ସୋସିଆଲ ମିଡିଆ ପୋଷ୍ଟ ସେୟାର କରି ସେ ବିଷୟରେ ସୂଚନା ଦେଇଛନ୍ତି । ସେୟାର ହୋଇଥିବା ପୋଷ୍ଟରେ ଅଙ୍କିତା ଙ୍କୁ ନୂଆ ଅନ୍ଦାଜରେ ପାରମ୍ପରିକ ଲୁକରେ ଦେଖିବାକୁ ମିଳିଛି । ଏହି ଲୁକ ଦେଖି ଫ୍ୟାନ୍ସ ବେଶ ପସନ୍ଦ କରିବା ସହ ସିରିଜକୁ ନେଇ ବେଶ ଉତ୍ସାହିତ ରହିଛନ୍ତି ।
'ଅମ୍ରାପାଲି' ବିଷୟରେ କହିବାକୁ ଗଲେ, ଏହି ଶୋ' ଅମ୍ରାପଲିର ନଗରବଧୁଙ୍କ କାହଣୀ ଉପରେ ଆଧାରିତ । ଏହି ଧାରାବାହିକଟି ରାଜକୀୟ ସୌଜନ୍ୟ ହେବା ଠାରୁ ଆରମ୍ଭ କରି ବୌଦ୍ଧ ଧର୍ମୀ ହେବା ପର୍ଯ୍ୟନ୍ତ ତାଙ୍କର ଯାତ୍ରା ଉପସ୍ଥାପନ କରିବ । ଏଥିରେ ଅମ୍ରାପଲିଙ୍କ ଦ୍ୱାରା ଅନୁଭୂତ ହୋଇଥିବା ଭାବନାକୁ ଚିତ୍ରଣ କରାଯାଇଛି, ଯିଏ ଶେଷରେ ସମସ୍ତ ବିଳାସପୂର୍ଣ୍ଣ ତ୍ୟାଗ କରନ୍ତି ଏବଂ ବୌଦ୍ଧ ଭକ୍ତ ଭାବରେ ବ୍ରଦ୍ମାଚର୍ଯ୍ୟ ଗ୍ରହଣ କରନ୍ତି । ଏହି ସିରିଜରେ ଅଙ୍କିତା ଅମ୍ରାପଲି ଭୂମିକାରେ ନଜର ଆସିବାକୁ ଥିବା ବେଳେ ତାଙ୍କ ଭାବନା ଏବଂ ଆହ୍ୱାନରେ ପରିପୂର୍ଣ୍ଣ ଅମ୍ରାପଲିଙ୍କ ଯାତ୍ରା ଦର୍ଶାଇବେ ।
ଅଙ୍କିତାଙ୍କ କ୍ୟାରିଅର
ଅଙ୍କିତା ଲୋଖଣ୍ଡେ ଟିଭି ସିରିଏଲ 'ପବିତ୍ର ରିସ୍ତା' ସହ ଅଭିନୟ କ୍ୟାରିୟର ଆରମ୍ଭ କରିଥିଲେ । ତାଙ୍କର ଏହି ଶୋ'ବହୁତ ଲୋକପ୍ରିୟ ହୋଇଥିଲା ଏବଂ ଏହା ପ୍ରାୟ ୭ ବର୍ଷ ପର୍ଯ୍ୟନ୍ତ ଚାଲିଲା । ଏହା ପରେ ଅଭିନେତ୍ରୀ ବଲିଉଡରେ କଙ୍ଗନା ରାଣାୱତଙ୍କ ଫିଲ୍ମ 'ମଣିକର୍ଣ୍ଣିକା' ସହ ଡେବ୍ୟୁ କରିଥିଲେ । ଏହା ପରେ ସେ ଟାଇଗର ଶ୍ରଫଙ୍କ 'ବାଗୀ' ସିନେମାରେ ମଧ୍ୟ ଅଭିନୟ କରିଛନ୍ତି। ଏଭଳି ପରିସ୍ଥିତିରେ ଏହା ପ୍ରଥମ ଥର ହେବ ଯେତେବେଳେ ଅଙ୍କିତା ଏକ ୱେବ ସିରିଜରେ ନିଜର ଜଲୱା ଦେଖାଇବେ ।
ଏହା ମଧ୍ୟ ପଢନ୍ତୁ: ବଲିଉଡ ଫିଲ୍ମରେ ନଜର ଆସିବେ ଅଙ୍କିତା ଲୋଖଣ୍ଡେ-ଆୟଶା ଖାନ, ଏହି କାଷ୍ଟିଂ ନିର୍ଦ୍ଦେଶକ ଦେଲେ ଅଫର୍
ଅଙ୍କିତାଙ୍କ ବିଗ୍ ବସ୍ ଯାତ୍ରା
ଅଙ୍କିତା ଲୋଖଣ୍ଡେ ତାଙ୍କ ସ୍ବାମୀ ବିକି ଜେନଙ୍କ ସହ ବିଗ୍ ବସ୍ ୧୭ରେ ପ୍ରତିଯୋଗୀ ଭାବେ ନଜର ଆସିଥିଲେ । ଶୋ'ରେ ଉଭୟଙ୍କ ମଧ୍ୟରେ ଉଭୟ ଭଲପାଇବା ଏବଂ ବିବାଦ ଦେଖିବାକୁ ମିଳିଥିଲା । ବିକି ଶୋ' ଫାଇନାଲର ଏକ ସପ୍ତାହ ପୂର୍ବରୁ ବାହାରିଥିବାବେଳେ ଅଙ୍କିତା ଟପ୍ ୪ ଫାଇନାଲିଷ୍ଟରେ ନିଜ ସ୍ଥାନ ପକ୍କା କରିଥିଲେ। ହେଲେ ବିଜେତାରୁ ବଞ୍ଚିତ ହୋଇଥିଲେ । କିନ୍ତୁ ଏହି ଶୋ' ପରେ ଖୁବ ଲାଇମଲାଇମରେ ରହିଆସିଛନ୍ତି ଅଙ୍କିତା ।
