ETV Bharat / bharat

ମୋଦି ନାରାରେ କମ୍ପିଲା ମସଜିଦ, ବିଜେପିକୁ ଭୋଟ ଦେବାକୁ ମୁସଲିମ ଧର୍ମାବଲମ୍ବୀଙ୍କ ଅପିଲ୍‌ - LOK SABHA ELECTION 2024

author img

By ETV Bharat Odisha Team

Published : Apr 13, 2024, 1:57 PM IST

Modi support Slogan Mosque: ଇଦରେ ମୋଦି ନାରାରେ କମ୍ପିଲା ମସଜିଦ । ଇଦର ଶୁଭେଚ୍ଛା ଜଣାଇ ଭୋଟ ଭିକ୍ଷା କଲେ ଭୋପାଳ ଲୋକସଭା ଆସନରୁ ବିଜେପି ପ୍ରାର୍ଥୀ ହୋଇଥିବା ଆଲୋକ ଶର୍ମା । ଅଧିକ ପଢନ୍ତୁ

Etv Bharat
Etv Bharat

ଭୋପାଳ: ଇଦ ପର୍ବରେ ମୋଦି ମୋଦି ନାମରେ କମ୍ପିଲା ମସଜିଦ । ମସଜିଦରେ “ହର ହର ମୋଦି ଏବଂ ଘର ଘର ମୋଦି”ର ସ୍ଲୋଗାନ ଦେଲେ ମୁସଲମାନ ସମ୍ପ୍ରଦାୟ । ମଧ୍ୟପ୍ରଦେଶ ଭୋପାଳର ଆଲିଗଞ୍ଜ ହାଇଦରୀ ମସଜିଦରୁ ଆସିଛି ଏପରି ଖବର । ମସଜିଦରେ ପ୍ରଧାନମନ୍ତ୍ରୀଙ୍କ ପ୍ରଶଂସା କରାଯିବା ସହ ପୋଷ୍ଟର ମଧ୍ୟ ଲଗାଯାଇଛି ।

ମସଜିଦରେ କାହିଁକି ଶୁଭିଲା ମୋଦିଙ୍କ ସ୍ବର ?: ଭୋପାଳର ଜୁମେରାତି ଅଞ୍ଚଳର ମସଜିଦ ଅଲି ଗଞ୍ଜ ହାଇଦରୀରେ ଏହି ଘଟଣା ଘଟିଛି । ଇଦ ଅବସରରେ ଭୋପାଳ ଲୋକସଭା ଆସନରୁ ବିଜେପି ପ୍ରାର୍ଥୀ ହୋଇଥିବା ଆଲୋକ ଶର୍ମା ମଧ୍ୟ ମସଜିଦରେ ପହଞ୍ଚିଥିଲେ । ତାଙ୍କ ଉପସ୍ଥିତିରେ ଏବଂ ସମର୍ଥନରେ ବୋହରା ସମ୍ପ୍ରଦାୟର ଲୋକମାନେ “ ହର ହର ମୋଦି, ଘର ଘର ମୋଦି” ନାରା ଦେଇଥିଲେ । ବୋହରା ସମ୍ପ୍ରଦାୟର ଲୋକମାନେ ମସଜିଦରେ “ମୋଦି ହେ ତୋ ମମୁକିନ ହେ ସ୍ଲୋଗାନ ଦେଇଥିଲେ । ପ୍ରାର୍ଥୀ ଆଲୋକ ଶର୍ମା ବୋହରା ସମ୍ପ୍ରଦାୟର ଲୋକଙ୍କୁ ଇଦର ଅଭିନନ୍ଦନ ଜଣାଇଥିଲେ ।

ଏହା ମଧ୍ୟ ପଢନ୍ତୁ-ଦିବ୍ୟାଙ୍ଗ-ବୟସ୍କଙ୍କ ଲାଗି ସହଜ ହେବ ମତଦାନ; ହୋମ ଭୋଟିଂ ଘୋଷଣା କଲେ ECI - Home Voting Facility

ମସଜିଦର ଆମିଲ ମୋଦିଙ୍କ ବିଷୟରେ କ’ଣ କହିଲେ ? ଆଲିଗଞ୍ଜ ହାଇଦାରୀ ମସଜିଦର ଆମିଲ ଜନାବ ଜୋହର ଅଲି ପ୍ରଧାନମନ୍ତ୍ରୀ ମୋଦିଙ୍କ ପ୍ରଶଂସା କରିଥିଲେ । ସେ କହିଛନ୍ତି, "ଆମେ ଆମର ୱାଜିର-ଏ-ଆଲାମକୁ ବହୁତ ସମ୍ମାନ କରୁଛୁ । ଆମ ମୋଦିଙ୍କୁ ବହୁ ସମ୍ମାନ କରୁ । ଆଲ୍ଲାହା ତାଙ୍କୁ ସଫଳତା ପାଇଁ ଆଶୀର୍ବାଦ କରନ୍ତୁ ।'' ଅମିଲ ଜନାବ ଜୋହର ଅଲ୍ଲୀ ମଧ୍ୟ ଗୁଜରାଟ ବିଷୟରେ କହିଛନ୍ତି ଯେ, ଗୁଜୁରାଟର ସୁରଟରେ ଥିବା ଦାଉଦି ବୋହରା ସମ୍ପ୍ରଦାୟ ସହିତ ପ୍ରଧାନମନ୍ତ୍ରୀ ମୋଦିଙ୍କର ଗଭୀର ସମ୍ପର୍କ ରହିଛି । ପ୍ରଧାନମନ୍ତ୍ରୀ ମୋଦି ବୋହରା ସମ୍ପ୍ରଦାୟର ଧାର୍ମିକ ନେତାମାନଙ୍କୁ ସମ୍ମାନ କରନ୍ତି ।

ଏହା ମଧ୍ୟ ପଢନ୍ତୁ-ଇଦ୍ ଉଲ୍-ଫିତରକୁ ନେଇ ଚଳଚଞ୍ଚଳ ମସଜିଦ, ସବୁଠି ଇଦ୍‌ ପାଳିତ - EID UL FITR 2024

ମସଜିଦରେ ବିଜେପି ପ୍ରାର୍ଥୀଙ୍କୁ ସ୍ୱାଗତ କରାଯାଇଥିଲା: ଭୋପାଳ ଲୋକସଭା ଆସନରୁ ବିଜେପି ପ୍ରାର୍ଥୀ ଆଲୋକ ଶର୍ମାଙ୍କୁ ଏହି ମସଜିଦରେ ସ୍ୱାଗତ କରାଯାଇଥିଲା । ତାଙ୍କୁ ବିପୁଳ ମାତ୍ରାରେ ଭୋଟ ଦେଇ ବିଜୟୀ କରିବାକୁ ମଧ୍ୟ ତାଙ୍କର ସମର୍ଥକ ମାନେ ଅପିଲ କରିଥିଲେ । ଆଲୋକ ଶର୍ମା ବୋହରା ସମ୍ପ୍ରଦାୟର ସଦସ୍ୟମାନଙ୍କୁ ଇଦ୍‌ରେ ଅଭିନନ୍ଦନ ଜଣାଇ କହିଛନ୍ତି, "ଆପଣ ମାନଙ୍କୁ କେନ୍ଦ୍ର ସରକାରଙ୍କ ସମସ୍ତ ଯୋଜନାର ଲାଭ ମିଳିବ । ଏଥିପାଇଁ ମୁଁ ପ୍ରୟାସ କରିବି ।"

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.