സ​ഞ്ചാ​രി​കൾക്ക് നേ​രെ​ കാ​ട്ടു​പോ​ത്തിന്‍റെ ആ​ക്ര​മ​ണം : ക​ക്ക​യത്തെ ടൂറിസ്റ്റ്​ ​കേ​ന്ദ്ര​ങ്ങ​ൾ അ​ട​ച്ചു

Tourist Centers In Kakkayam Were Closed : കാട്ടുപോത്ത് ആക്രമണത്തെ തുടര്‍ന്ന് ക​ക്ക​യം ഡാം ​സൈ​റ്റി​ലെ വിനോദ​ സ​ഞ്ചാ​ര​ കേ​ന്ദ്ര​ങ്ങ​ൾ അ​ട​ച്ചു. കാട്ടുപോത്തിനെ തുരത്താന്‍ വനംവകുപ്പ് ശ്രമം തുടരുന്നു.

കോഴിക്കോട് : വി​നോ​ദ​ സ​ഞ്ചാ​രി​കൾക്ക് നേ​രെ​ കാ​ട്ടു​പോ​ത്തിന്‍റെ ആ​ക്ര​മ​ണമുണ്ടായ ക​ക്ക​യം ഡാം ​സൈ​റ്റി​ലെ വിനോദ​ സഞ്ചാ​ര​കേ​ന്ദ്ര​ങ്ങ​ൾ അ​ട​ച്ചു (Wild Buffalo Attack). ഡാം​സൈ​റ്റി​ലെ ഹൈ​ഡ​ൽ ടൂ​റി​സം, ഇ​ക്കോ ടൂ​റി​സം കേ​ന്ദ്ര​ങ്ങ​ളി​ൽ ബുധനാഴ്‌ച വരെ സ​ഞ്ചാ​രി​ക​ൾ​ക്ക് വി​ല​ക്കേ​ർ​പ്പെ​ടു​ത്തി​യ​താ​യി പെ​രു​വ​ണ്ണാ​മൂഴി ഫോ​റ​സ്‌റ്റ് റേ​ഞ്ച് ഓ​ഫീസ​ർ കെ.​വി. ബി​ജു അറിയിച്ചു.

വി​നോ​ദ​സ​ഞ്ചാ​രി​ക​ളെ ആ​ക്ര​മി​ച്ച കാ​ട്ടു​പോ​ത്തി​നെ കാ​ട്ടി​നു​ള്ളി​ലേ​ക്ക് തു​ര​ത്താ​നാ​യി ഫോ​റ​സ്‌റ്റ് ആ​ർആ​ർടി സം​ഘം ക​ക്ക​യം ഡാം​സൈ​റ്റി​ലെ​ത്തി പ​രി​ശോ​ധ​ന തുടരുകയാണ്. ഇന്നലെ ഉച്ചയോടെ പെ​രു​വ​ണ്ണാ​മൂ​ഴി ഫോ​റ​സ്‌റ്റ് റേ​ഞ്ചിന്‍റെ​യും ക​ക്ക​യം വൈ​ൽ​ഡ് ലൈ​ഫ് സെ​ക്ഷ​ന്‍റെ​​യും കീ​ഴി​ലു​ള്ള ഉ​ദ്യോ​ഗ​സ്ഥ സം​ഘ​വും താ​മ​ര​ശ്ശേ​രി റേ​ഞ്ചി​ൽ​നി​ന്നെ​ത്തി​യ അ​ഞ്ചം​ഗ ആ​ർആ​ർടി സം​ഘ​വു​മാ​ണ് കാ​ട്ടുപോ​ത്തി​നാ​യി തി​ര​ച്ചി​ൽ ആരംഭിച്ചത്. എന്നാൽ ഇതുവരെയും ആക്രമണകാരിയായ കാ​ട്ടു​പോ​ത്തി​നെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല.

ക​ക്ക​യം ഡാം​സൈ​റ്റ് ചി​ൽ​ഡ്ര​ൻ​സ് പാ​ർ​ക്കി​ന് സ​മീ​പം ശ​നി​യാഴ്‌ച ഉ​ച്ച​യ്ക്ക് ശേഷമാണ് വി​നോ​ദ​സ​ഞ്ചാ​ര സം​ഘ​ത്തി​ൽപ്പെട്ട അ​മ്മ​യെ​യും മ​ക​ളെ​യും കാ​ട്ടു​പോ​ത്ത് ആ​ക്ര​മി​ച്ച​ത്. പ​രി​ക്കേ​റ്റ് കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ൽ ഐസിയു​വി​ലു​ള്ള യു​വ​തി​യെ​യും മ​ക​ളെ​യും വനംവകുപ്പ് ഉദ്യോ​ഗ​സ്ഥ സം​ഘം സ​ന്ദ​ർ​ശി​ച്ചു. യു​വ​തി​യു​ടെ വാ​രി​യെ​ല്ലി​ന് പൊ​ട്ട​ലും ത​ല​യ്ക്ക് ക്ഷ​ത​വു​മു​ണ്ട്. അമ്മയും മകളും അപകടനില തരണം ചെയ്‌തതായി ഡോക്‌ടർമാർ അറിയിച്ചു.

അതിനിടെ ക​ക്ക​യ​ത്തെ ജ​ന​വാ​സ മേ​ഖ​ല​യി​ലേ​ക്ക് വ​ന്യ​മൃ​ഗ​ങ്ങ​ൾ പ്ര​വേ​ശി​ക്കു​ന്ന​ത് ത​ട​യണമെന്നാവശ്യപ്പെട്ട് 'വി​ഫാം' പ്ര​വ​ർ​ത്ത​ക​ർ ക​ക്ക​യം അ​ങ്ങാ​ടി​യി​ൽ പ്ര​ക​ട​നം ന​ട​ത്തി.