ബെംഗളൂരു : മക്കളെ കൊലപ്പെടുത്തിയ കേസിൽ അറസ്റ്റിലായ യുവതി ജയിലില്‍ ആത്മഹത്യ ചെയ്‌ത നിലയില്‍. പരപ്പന അഗ്രഹാര ജയിലിൽ ഗംഗാദേവിയാണ്‌ ആത്മഹത്യ ചെയ്‌തത്‌. ജാലഹള്ളി ഗ്രാമത്തിൽ ഏപ്രിൽ 9 നാണ്‌ ഗംഗാദേവി തന്‍റെ രണ്ട് മക്കളെയും തലയണ കൊണ്ട് ശ്വാസം മുട്ടിച്ച് കൊലപ്പെടുത്തിയത്.
സംഭവത്തിന് ശേഷം ഏപ്രിൽ 10 ന് താൻ ആത്മഹത്യ ചെയ്യാൻ പോവുകയാണെന്ന് പൊലീസിനെ വിളിച്ച് അറിയിക്കുകയായിരുന്നു. ഉടൻ സ്ഥലത്തെത്തിയ പൊലീസ് ഗംഗാദേവിയെ കസ്റ്റഡിയിലെടുത്തു. കുട്ടികളെ കൊലപ്പെടുത്തിയെന്ന കുറ്റം പ്രതിയായ അമ്മ സമ്മതിച്ച ശേഷമാണ്‌ അഗ്രഹാര ജയിലിലടച്ചത്‌.
അറസ്റ്റിലായ അതേ ദിവസം തന്നെ പ്രതി ഗംഗാദേവി ജയിലിൽ ആത്മഹത്യ ചെയുകയായിരുന്നു. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തതായി പൊലീസ് വൃത്തങ്ങൾ അറിയിച്ചു. ഇത് സംബന്ധിച്ച് പരപ്പ അഗ്രഹാര പൊലീസ് സ്റ്റേഷനിൽ കേസ് രജിസ്റ്റർ ചെയ്‌തിട്ടുണ്ട്.
സ്വകാര്യ കമ്പനിയിലെ മാർക്കറ്റിങ് വിഭാഗത്തിൽ ജോലി ചെയ്യുകയായിരുന്ന ഗംഗാദേവി ബെംഗളൂരുവിൽ സ്ഥിരതാമസമാക്കിയിരുന്നു. ഭർത്താവ് പോക്‌സോ കേസിൽ അറസ്റ്റിലായി ജയിലിൽ കഴിയുകയാണ്.
ALSO READ: കാസർകോട് ചീമേനിയിൽ രണ്ട് മക്കളെ കൊലപ്പെടുത്തി അമ്മ ആത്മഹത്യ ചെയ്‌തു
