കാസർകോട്ട് സ്വകാര്യ ബസ് തലകീഴായി മറിഞ്ഞ് ഡ്രൈവർ മരിച്ചു ; നിരവധി പേർക്ക് പരിക്ക്

കാസര്‍കോട്ട് ബസ് അപകടം. ഡ്രൈവര്‍ മരിച്ചു. നിരവധി പേര്‍ക്ക് പരിക്ക്. പലരുടെയും നില ഗുരുതരം.

കാസർകോട് : പെരിയ ചാലിങ്കാലിൽ സ്വകാര്യ ബസ് തലകീഴായി മറിഞ്ഞ് ഡ്രൈവർ മരിച്ചു. നിരവധി പേർക്ക് പരിക്കേറ്റു. ഡ്രൈവറും മധൂർ സ്വദേശിയുമായ ചേതൻ രാജ് ആണ് മരിച്ചത്. ദേശീയപാതയിൽ ഇന്ന് വൈകിട്ടോടെയായിരുന്നു അപകടം(Kasaragod Bus Accident).

മംഗളൂരുവില്‍ നിന്ന് കണ്ണൂരിലേക്ക് പോവുകയായിരുന്ന മെഹബൂബ് ബസാണ് അപകടത്തിൽപ്പെട്ടത്(Bus turn over). വിദ്യാർഥികൾ അടക്കം നിരവധി യാത്രക്കാർ ബസിൽ ഉണ്ടായിരുന്നു. പരിക്കേറ്റവരെ ജില്ല ആശുപത്രിയിലേക്ക് മാറ്റി. ചിലരുടെ നില ഗുരുതരമാണ് (Driver died in Kasaragod).