പക്ഷിപ്പനി മൂലം 9691 വളർത്തുപക്ഷികളെ കള്ളിങ്ങിന് വിധേയമാക്കി (ETV Bharat)
കോട്ടയം : പക്ഷിപ്പനിയെത്തുടർന്ന് 9691 വളർത്തുപക്ഷികളെ കള്ളിങ്ങിന് വിധേയമാക്കി. മൃഗസംരക്ഷണവകുപ്പിന്‍റെ മണർകാട് പ്രാദേശിക കോഴി വളർത്തൽ കേന്ദ്രത്തിലെയും പക്ഷിപ്പനി ബാധിതമേഖലയിലെയും കോഴികളെയാണ് ദയാവധം ചെയ്‌ത് ശാസ്ത്രീയമായി സംസ്‌കരിച്ചത്.
പ്രാദേശിക കോഴി വളർത്തൽ കേന്ദ്രത്തിലെ 9175 കോഴികളെയാണ് കള്ളിങ്ങിന് വിധേയമാക്കിയത്. പക്ഷിപ്പനി ബാധിതമേഖലയായ മണർകാട് പഞ്ചായത്തിലെ 12, 13, 14 വാർഡിലെയും പുതുപ്പള്ളി പഞ്ചായത്തിലെ രണ്ട്, മൂന്ന് വാർഡിലെയും 516 കോഴികളെയും ദയാവധം ചെയ്‌ത് സംസ്‌കരിച്ചു.
