ന്യൂഡല്ഹി: സിബിഎസ്ഇ പ്ലസ് ടു പരീക്ഷ ഫലം പ്രഖ്യാപിച്ചു. 87.98 ശതമാനം വിജയമാണ് ഇത്തവണ ഉണ്ടായിട്ടുള്ളത്. ഇത് മുന് വര്ഷത്തേക്കാള് 0.65 ശതമാനം കൂടുതലാണ്. കഴിഞ്ഞ വർഷം 87.33 ആയിരുന്നു വിജയ ശതമാനം.
പെണ്കുട്ടികളാണ് ഇത്തവണത്തെ പരീക്ഷയില് മികച്ച പ്രകടനം കാഴ്ച വച്ചത്. ആൺകുട്ടികളുടെ വിജയ ശതമാനത്തേക്കാൾ 6.40 ശതമാനം ഉയർന്നതാണ് പെണ്കുട്ടികളുടെ വിജയ ശതമാനം. 24,068 വിദ്യാർഥികൾ 95 ശതമാനത്തിന് മുകളിൽ മാർക്ക് നേടിയപ്പോൾ 1,16,145 വിദ്യാർഥികൾ 90 ശതമാനത്തിന് മുകളിൽ മാർക്ക് നേടി.
തിരുവനന്തപുരം മേഖലയ്ക്കാണ് രാജ്യത്ത് ഏറ്റവും ഉയർന്ന വിജയശതമാനം. 99.91 ശതമാനമാണ് തിരുവനന്തപുരം മേഖലയുടെ വിജയ ശതമാനം. പരീക്ഷ ഫലം ലഭിക്കുന്നതിന് cbse.gov.in, results.cbse.nic.in എന്നീ വെബ്സൈറ്റുകള് സന്ദര്ശിക്കാം.