सांगली - आम्ही मातीतील कुस्ती खेळणारे, पण मुख्यमंत्र्यांनी तेल लावलेला एक फोटो प्रसिद्ध करावा. एकदा कळूद्या तेल लावल्यावर ते कसे दिसतात, अशा शब्दात जयंत पाटील यांनी मुख्यमंत्री देवेंद्र फडणवीस यांची टिंगल केली. यावेळी जयंत पाटील यांना हसू अनावर झाल्याचे चित्र पाहायला मिळाले. पंतप्रधान नरेंद्र मोदी यांची शरद पवारांच्यावरील खालच्या पातळीवरची टीका महाराष्ट्र कदापी सहन करणार नाही, असा इशार त्यांनी दिली. तसेच त्यांनी काँग्रेस आघाडीची सत्ता येईल, असा विश्वास व्यक्त केला. ते सांगलीमध्ये प्रसारमाध्यमांशी बोलत होते.
राष्ट्रवादी काँग्रेस प्रदेशाध्यक्ष जयंत पाटील यांनी सांगलीत पत्रकार परिषदेतून भाजपवर निशाणा साधला. या वेळी पंतप्रधान आणि मुख्यमंत्री यांच्या शरद पवारांच्यावरील विधानांचा त्यांनी खरपूस समाचार घेतला. भाजप सरकारने ईडीची कारवाई करून शरद पवारांच्या विरोधात कट कारस्थान करण्याचा प्रयत्न केला आहे. यामुळे महाराष्ट्रातील तरुण आज पेटून उठला आहे. भाजप-सेनेला महाराष्ट्राची जनता धडा शिकवेल, असा इशारा पाटील यांनी दिला.
मुख्यमंत्र्यानी आम्ही तेल लावून तयार आहोत, पण समोर कोणी पैलवान नाही. या टीकेवर बोलताना पाटील यांनी आम्ही मातीतील कुस्ती खेळणारे आहोत. मात्र, मुख्यमंत्र्यांनी तेले लावलेला एक फोटो प्रसिद्ध करावा. एकदा कळूद्या तेल लावल्यावर ते कसे दिसतात. अशा शब्दात पोट धरून हसु आवरत जयंत पाटील यांनी फडणवीस यांची टिंगल करत फोटो प्रसिद्ध करण्याचे आव्हान दिले. तीन वेळा पाटील यांनी मुख्यमंत्र्यांच्या तेल लावलेल्या फोटोची कल्पना करत आणि हसू आवरत ही प्रतिक्रीया दिली.
रविवारी पंतप्रधान नरेंद्र मोदी यांनी शरद पवार यांच्यावर एका व्हिडिओ क्लिपवरून टीकांवर बोलताना पंतप्रधान नरेंद्र मोदी यांनी शरद पवारांच्यावर खालच्या स्तरावर जाऊन टीका केली आहे. महाराष्ट्र परवारांच्यावरील अशी खालच्या पातळीवरील टीका सहन करणार नाही, असा इशारा जयंतराव पाटील यांनी दिला. राज्यात निवडणुकीची परस्थिती बदलत आहे. काँग्रेस -राष्ट्रवादीला उत्स्फूर्त प्रतिसाद मिळत आहे. त्यामुळे राज्यात काँग्रेस-राष्ट्रवादी आघाडीची सत्ता येणार, असा विश्वास जयंत पाटील यांनी यावेळी व्यक्त केला आहे.
