नवी दिल्ली: लिजेंड्स लीग क्रिकेट 2022 ( Legends League Cricket 2022 ) च्या प्रारंभी या वर्षी 15 सप्टेंबर रोजी कोलकाता येथील ईडन गार्डन्सवर एक विशेष सामना खेळवला जाईल. आयोजकांनी शुक्रवारी ही माहिती दिली. इंडिया महाराजा आणि वर्ल्ड जायंट्स ( India Maharaja vs World Giants ) यांच्यातील हा सामना भारतीय स्वातंत्र्याच्या 75 व्या वर्षाशी संबंधित उत्सवांना समर्पित असेल.
एलएलसीचे उपायुक्त रवी शास्त्री यांनी प्रकाशनात म्हटले आहे की, “आम्ही आमच्या स्वातंत्र्याचे 75 वे वर्ष ( 75th year of independence ) साजरे करत आहोत. हा आमच्यासाठी अभिमानाचा क्षण आहे. मला हे सांगताना अत्यंत आनंद होत आहे की, आम्ही हे वर्ष लीगच्या 75व्या स्वातंत्र्य उत्सवाला समर्पित करण्याचा निर्णय घेतला आहे.
इंडिया महाराजाचे नेतृत्व भारताचे माजी कर्णधार आणि भारतीय क्रिकेट बोर्डाचे अध्यक्ष सौरव गांगुली ( Former captain Sourav Ganguly ) करतील, तर वर्ल्ड जायंट्सचे नेतृत्व इंग्लंडचा 2019 विश्वचषक विजेता कर्णधार इऑन मॉर्गन करेल. एलएलसीची दुसरा हंगाम या विशिष्ट सामन्याच्या दुसऱ्या दिवशी 16 सप्टेंबर रोजी सुरू होईल. या स्पर्धेत चार संघ सहभागी होणार असून 22 दिवसांत 15 सामने खेळवले जाणार आहेत.
6 शहरांमध्ये आयोजित करण्यात येणार -
लिजेंड्स लीग क्रिकेट ( Legends League Cricket ) चा दुसरा सीझन 6 भारतीय शहरांमध्ये खेळवला जाईल, ज्यामध्ये अनेक देशांचे खेळाडू सहभागी होतील. लीगचा पहिला हंगाम ओमानमध्ये या वर्षी जानेवारीमध्ये इंडिया महाराजा, वर्ल्ड जायंट्स आणि एशिया लायन्स या तीन संघांमध्ये खेळला गेला आणि त्यात 7 सामने खेळले गेले. तथापि, सीझन 2 मध्ये चार फ्रँचायझी-मालकीचे संघ असतील. कोलकाता, लखनौ, दिल्ली, जोधपूर, कटक आणि राजकोट या सहा शहरांमध्ये 17 सप्टेंबर ते 8 ऑक्टोबर या कालावधीत 15 सामने खेळवले जातील.
हेही वाचा - Fifa World Cup 2022 फुटबॉल विश्वचषक एक दिवस आधी सुरू होणार
