मुंबई - ग्लोबल आयकॉन प्रियंका चोप्रा सध्या लंडनमध्ये सिटाडेल या आंतरराष्ट्रीय सिरीजचे शुटिंग करीत आहे. तिने रोमँटिक ड्रामा असलेल्या 'टेक्स्ट फॉर यू' आणि 'मॅट्रिक्स रिबूट'साठी कोविडच्या भीतीदरम्यान शूट केले. साथीच्या धोक्यादरम्यान सेटवर परतताना काय वाटले हे प्रियंकाने शेअर केले आहे. एका मासिकाला दिलेल्या ताज्या मुलाखतीत प्रियंका म्हणाली की तिने पती निक जोनाससोबत घरी वेळेचा आनंद घेतला पण जेव्हा या स्थितीचा अंतच होत नव्हता तेव्हा मात्र तिला परिस्थितीचे गांभीर्य समजले.
सेटवर परत गेल्यावर काय वाटले हे सांगताना प्रियांका म्हणाली, "मी सहा महिने घरी माझ्या कुटुंबासोबत खरोखर सुरक्षित वेळ घालवला आणि त्यानंतर मी जर्मनीला कामासाठी बाहेर पडले. मी विमानात रडत होते. मी घाबरले होते."
परंतु कोविडचे सर्व प्रोटोकॉल सेटवर पाळले जात असल्यामुळे तिचा जीव भांड्यात पडला. त्यानंतर लंडनमध्ये 'टेक्स्ट फॉर यू'च्या सेटवर जास्तच काळजी घेतली गेल्याचेही ती म्हणाली.
यूकेच्या शुटिंग शेड्यूलसाठी, तिचा पती निक आणि तिची आई मधु चोप्रा तिच्यासोबत आले आणि तिला स्थिर होण्यास मदत केली. "तो, माझी आई, माझे कुटुंब माझ्याबरोबर आले आणि मी शुटिंग करत असताना आम्ही ख्रिसमस आणि नवीन वर्ष एकत्र घालवले. याकाळात मला सेटल होण्यात निकने खूप मदत झाली. मग सर्वजण निघून गेल्यानंतर मी सिटाडेलचे काम सुरू केले.", असे ती पुढे म्हणाली.
गेल्या दोन दशकांपासून तिने फक्त कामावर लक्ष केंद्रित केले आहे आणि येत्या काही वर्षांत ती काम आणि कुटुंबामध्ये संतुलन राखण्यासाठी काम करणार असल्याचा खुलासाही प्रियंका चोप्राने यावेळी केला.
कामाच्या पातळीवर प्रियंका फरहान अख्तर दिग्दर्शित 'जी ले जरा'मध्ये दिसणार आहे. या चित्रपटात कॅटरिना कैफ आणि आलिया भट्टही मुख्य भूमिकेत असतील.
हेही वाचा - 'बागी 3' दिग्दर्शक अहमद खानने पत्नीला भेट दिली 3 कोटीची बॅटमोबाईल कार
