मुंबई : 'आदिपुरुष' हा चित्रपट चार दिवसानंतर रुपेरी पडद्यावर प्रदर्शित होणार आहे, त्यामुळे प्रभासच्या चाहत्यांना खूप आनंद झाला आहे. प्रभासच्या हा चित्रपट पहिल्या दिवशी शाहरुख खानच्या पठाणला आव्हान देत बॉक्स ऑफिसवर वर्षातील सर्वोत्कृष्ट ओपनिंगची अपेक्षा या चित्रपटाकडून केली जात आहे. 24 तासांची आगाऊ बुकिंग पूर्ण करण्याआधीच, चित्रपटाने एक उल्लेखनीय कामगिरी करून आपली धमाल दाखवली आहे. प्रभास-स्टाररच्या हिंदी आवृत्तीने 1.40 कोटी रुपयांची कमाई केली आहे (ब्लॉक केलेल्या सीट्स वगळता). यात थ्रीडीसाठी एकूण 1.35 कोटींचा समावेश आहे. सध्याला जवळपास 36,000 तिकिटांची विक्री झाल्याचे म्हटले जात आहे.
आदिपुरुष' चित्रपट : आदिपुरुषने तेलगू आवृत्तीमध्ये 20 लाखांची कमाई केली आहे, तर इतर भाषेत त्याला फारसा प्रभाव पाडता आला नाही. पहिल्या दिवशी, चित्रपटाने देशभरात (सर्व भाषांसह) 1.62 कोटी रुपयांची तिकिटे विकली आहे. चार दिवस बाकी असताना आदिपुरुष बॉक्स ऑफिसवर जोरदार कमाई करेल अशी अपेक्षा आहे. तसेच या चित्रपटासाठी भगवान हनुमानसाठी सीट ही आरक्षित राहणार आहे. चार दिवस बाकी असलेल्या या चित्रपटाने रिलीज होण्याआधीच धुमाकुळ घातला आहे. जर हा वेग असाच चालू राहिला तर, हा चित्रपट रेकॉडतोड कमाई करेल हे मात्र नक्की. मात्र सध्या पठाण सध्या हिंदी पट्ट्यांमध्ये अव्वल स्थानावर आहे, त्यानंतर केजीएफ चाप्टर 2 आणि ब्रह्मास्त्र कोविड नंतर सिनेमागृहे पुन्हा सुरू झाल्यानंतर. रिलीजपूर्वी, आदिपुरुषसाठी राष्ट्रीय पातळीवर आरआरआर प्रमाणेच श्रेणीत येणे हे एक आदर्श उद्दिष्ट असेल, परंतु या प्रकारच्या बुकिंगमुळे आशा वाढल्या जात आहे.
चित्रपट रिलीज आधीच हिट : ओम राऊत दिग्दर्शित या चित्रपटात क्रिती सेनन, सैफ अली खान, सनी सिंग आणि देवदत्त नागे यांच्या प्रमुख भूमिका आहेत. सुरुवातीला, या चित्रपट ब्लॉकबस्टरभोवती निराशावादाचे ढग होते, परंतु जेव्हा ट्रेलर रिलीज झाला तेव्हा गती वाढली आहे. शिवाय, जय श्री राम गाणे लोकांमध्‍ये खूप लोकप्रिय झाले त्यामुळे रूपेरी पडद्यावर हा चित्रपट धुमाकुळ घालणार असे दिसत आहे.
हेही वाचा :
Nitesh Tiwaris Ramayana : नितेश तिवारींच्या रामायणात रावणाची भूमिका करण्यास यशचा नकार
Gadar 2 teaser : गदर 2 च्या टीझरमुळे चाहत्यांची सनी देओल उर्फ तारा सिंगबद्दलची उत्सुकता वाढली
