मुंबई - गेल्या काही दिवसांपासून महाराष्ट्र राज्य माध्यमिक आणि उच्च माध्यमिक बोर्डाच्या १२ वीच्या निकालाकडे सर्वांचे लक्ष लागले होते. या पार्श्वभूमीवर राज्य शासनाने 3 ऑगस्ट दुपारी १२ वीचा निकाल जाहीर होणार, असे स्पष्ट केले आहे. याबाबतची माहिती शिक्षणमंत्री वर्षा गायकवाड यांनी ट्विट करून दिली आहे.
हेही वाचा - विमानतळाची मालकी अदानी समुहाकडे, मात्र नाव बदलण्याचे अधिकार नाही - मंत्री नवाब मलिक
कोविड १९ च्या पार्श्वभूमीवर यावर्षी राज्य मंडळाच्या परीक्षा रद्द करण्यात आल्या होत्या. दहावी, अकरावी व बारावीच्या अंतर्गत गुणमापन पद्धतीनुसार यावर्षी विद्यार्थ्यांचे शैक्षणिक मुल्यमापन व मुल्याकंन एका वेगळ्या धर्तीवर केले होते व त्यानुसार गुणांकन करण्यात आले आहे. अंतर्गत मुल्यमापनातील प्रथम सत्र परीक्षा, सराव परीक्षा, सराव चाचण्या, तत्सम मुल्यमापनातील विषयनिहाय प्राप्त गुण, तसेच इयत्ता १२ वीचे अंतिम तोंडी, प्रात्यक्षिक, अंतर्गत व तत्सम मुल्यमापनातील प्राप्त गुणांनुसार निकाल जाहीर करण्यात येणार आहे. महाराष्ट्र राज्य माध्यमिक व उच्च माध्यमिक शिक्षण मंडळातर्फे सन २०२१ मध्ये मंडळाच्या कार्यपद्धतीनुसार तयार करण्यात आलेला १२ वीचा निकाल ३ ऑगस्टला दुपारी ४ वाजता जाहीर होणार आहे.
www.mahresult.nic.in व https://msbshse.co.in या संकेतस्थळावर विद्यार्थ्यांच्या निकालाशिवाय निकालाबाबतची इतर सांख्यिकीय माहिती उपलब्ध होईल. तसेच, www.mahahsscboard.in या संकेतस्थळावर उच्च माध्यमिक शाळा/कनिष्ठ महाविद्यालयांना एकत्रित निकाल उपलब्ध होईल.
या संकेतस्थळावर पहा निकाल
१. https://hscresult.11 thadmission.org.in
२. https://msbshse.co.in
3. hscresult.mkcl.org
४. mahresult.nic.in
हेही वाचा - दिलासादायक! राज्यात ३३ पालिकांसह काही जिल्ह्यात कोरोना रुग्णांचा मृत्यूदर शून्य, आरोग्य विभागाची माहिती
