श्रीगंगानगर ( राजस्थान ) : जिल्ह्यातील रामसिंगपूर पोलीस ठाण्याच्या हद्दीत दुर्घटना घडली (Five Children Died in Sriganganagar) आहे. जिथे रविवारी शेतात बनवलेल्या पाण्याच्या भांड्यात आंघोळीसाठी उतरताना पाच मुलांचा बुडून मृत्यू झाला. मृतांमध्ये दोन मुली आणि तीन मुले गावातीलच कामगार कुटुंबातील असल्याचे सांगण्यात येत आहे. ( Five Children Died due to Drowning )
घटनेनुसार, ही मुले गावाजवळील शेतात बांधलेल्या मोकळ्या पाण्याच्या खंदकात आंघोळीसाठी उतरली होती. मात्र शेततळे खोल असल्याने पाचही मुले खोल पाण्यात बुडाली. बुडालेल्या या सर्व मुलांचे वय १३ वर्षांपर्यंत आहे. शेततळ्यातील पाण्यात बुडून मृत्युमुखी पडलेल्यांमध्ये निशा 13 वर्षे, भावना 10 वर्षे, अंकित 10 वर्षे, अंशू 9 वर्षे आणि राधे 11 वर्षे असल्याचे सांगण्यात येत आहे.
सुट्टीचा दिवस असल्याने मजूर कुटुंबातील ही सर्व मुले गावाजवळील शेतात गेली. जिथं ते पाण्यात आंघोळ करण्यासाठी खाली उतरले. मात्र खोली जास्त असल्याने ते पाण्यात बुडाले. घटनेची माहिती मिळताच ग्रामस्थांनी रामसिंगपूर पोलिसांना माहिती दिली. पोलिसांनी घटनास्थळ गाठून पाच मुलांचे मृतदेह बाहेर काढले. पोलिसांनी घटनेची नोंद करून मृतदेह रामसिंगपूर उपआरोग्य केंद्राच्या शवागारात ठेवले आहेत. या घटनेनंतर गावात शोककळा पसरली आहे.
हेही वाचा : Video : वडिलांच्या खांद्यावर अंघोळ करणाऱ्या मुलाचा नदीत बुडून मृत्यू, बनारसहून दर्शनासाठी आले होते कुटुंब
