नवी दिल्ली: 'नॅशनल हेराल्ड' या वृत्तपत्राशी संबंधित कथित मनी लाँड्रिंग प्रकरणात ( National Herald Case ) काँग्रेस अध्यक्षा सोनिया गांधी मंगळवारी अंमलबजावणी संचालनालयासमोर (ईडी) दुसऱ्या फेरीच्या चौकशीसाठी हजर झाल्या ( Sonia Gandhi arrives at ED Office ) आहेत. सोनिया गांधी त्यांचा मुलगा राहुल गांधी आणि मुलगी प्रियांका गांधी वड्रा यांच्यासह मध्य दिल्लीतील एपीजे अब्दुल कलाम रोडवरील इलेक्ट्रिसिटी लेनमध्ये असलेल्या फेडरल एजन्सीच्या कार्यालयात सकाळी 11 वाजता पोहोचल्या. प्रियंका गांधी एजन्सीच्या कार्यालयात थांबल्या असताना राहुल लगेच निघून गेले. लंच ब्रेकनंतर सोनिया गांधी पुन्हा एकदा ईडी कार्यालयात पोहोचल्या आहेत. नॅशनल हेराल्ड प्रकरणासंदर्भात त्यांच्या चौकशीची दुसरी फेरी सुरू झाली आहे.
राहुलला पोलिसांनी ताब्यात घेतले : काँग्रेस नेते राहुल गांधी यांना दिल्ली पोलिसांनी विजय चौकातून ताब्यात घेतले. काँग्रेस खासदारांनी संसद ते विजय चौक असा निषेध मोर्चा (Congress protest in ed office ) काढला. डीसीपी नवी दिल्ली यांनी सांगितले की, काँग्रेस नेते राहुल गांधी आणि 50 खासदारांना संसदेजवळील नॉर्थ फाउंटनमधून ताब्यात घेण्यात आले. त्याला किंग्सवे कॅम्प पोलीस ठाण्यात ताब्यात घेण्यात आले आहे.
-
Congress interim President Sonia Gandhi arrives at ED office after the lunch break. Her second round of questioning in connection with the National Herald case began, earlier today pic.twitter.com/baJH1U3ajN
— ANI (@ANI) July 26, 2022 " class="align-text-top noRightClick twitterSection" data="
">Congress interim President Sonia Gandhi arrives at ED office after the lunch break. Her second round of questioning in connection with the National Herald case began, earlier today pic.twitter.com/baJH1U3ajN
— ANI (@ANI) July 26, 2022Congress interim President Sonia Gandhi arrives at ED office after the lunch break. Her second round of questioning in connection with the National Herald case began, earlier today pic.twitter.com/baJH1U3ajN
— ANI (@ANI) July 26, 2022
२८ प्रश्नांची दिली उत्तरे : 21 जुलै रोजी सोनिया गांधी (75) यांची पहिल्यांदा दोन तासांहून अधिक चौकशी करण्यात आली. त्यानंतर त्यांनी एजन्सीच्या 28 प्रश्नांची उत्तरे दिली. ईडी यंग इंडियन प्रायव्हेट लिमिटेड मधील कथित आर्थिक अनियमिततेची चौकशी करत आहे, ज्याची मालकी नॅशनल हेराल्ड या काँग्रेसने प्रमोट केलेल्या वृत्तपत्राकडे आहे. काँग्रेसने आपल्या सर्वोच्च नेतृत्वाविरुद्ध ईडीच्या कारवाईचा निषेध केला आहे आणि ही “राजकीय सूडबुद्धीची चाल” असल्याचे म्हटले आहे.
वर्षभरापासून चौकशी सुरु : 2013 मध्ये, येथील एका ट्रायल कोर्टाने भारतीय जनता पार्टी (भाजप) खासदार सुब्रमण्यम स्वामी यांच्या खाजगी गुन्हेगारी तक्रारीच्या आधारे 'यंग इंडियन प्रायव्हेट लिमिटेड' विरुद्ध आयकर विभागाच्या तपासाची दखल घेतली होती. मनी लाँडरिंग प्रतिबंधक कायद्याच्या फौजदारी तरतुदींखाली नवीन केस नोंदवल्यानंतर ईडीने गेल्या वर्षी उशिरा गांधी कुटुंबाची चौकशी सुरू केली. सोनिया आणि राहुल गांधी यंग इंडियनचे प्रवर्तक आणि बहुसंख्य भागधारक आहेत. त्यांच्या मुलाप्रमाणे काँग्रेस अध्यक्षांकडेही 38 टक्के हिस्सेदारी आहे.
देशभर आंदोलन : दुसरीकडे, सोनिया गांधी यांच्यावर ईडीच्या कारवाईच्या निषेधार्थ काँग्रेस समर्थक आज देशभरातील ईडी कार्यालयांसमोर निदर्शने करत आहेत. काँग्रेस कार्यकर्त्यांचा सत्याग्रह सुरूच आहे. याआधी आंदोलनादरम्यान अनेक खासदार आणि नेत्यांना ताब्यात घेण्यात आले होते. त्याचवेळी सोनिया गांधी यांना काही तासांच्या चौकशीनंतर ईडीने सोडून दिले. दिल्ली पोलिसांनी काँग्रेस कार्यकर्त्यांना राजघाटावर आंदोलन करण्यास परवानगी नाकारली आहे. येथे मोठ्या प्रमाणात पोलीस बंदोबस्त तैनात करण्यात आला आहे. त्याचबरोबर कलम 144 लागू करण्यात आले आहे. काँग्रेस कार्यालयाजवळ मोठा पोलीस बंदोबस्त तैनात करण्यात आला आहे. यावरून काँग्रेसने भाजपवर निशाणा साधला आहे. अखिल भारतीय महिला काँग्रेसने पक्षाच्या मुख्यालयात निदर्शने केली.
हेही वाचा : Rahul Gandhi Detained : राहुल गांधींना दिल्ली पोलिसांनी घेतले ताब्यात
