भोपाळ : मध्य प्रदेशच्या भिंड जिल्ह्यात आज (1 ऑक्टोबर) सकाळी भीषण अपघात झाला. येथील राष्ट्रीय महामार्ग 719 (NH 719) वर बस आणि कंटेनरची समोरासमोर धडक झाली. या भीषण दुर्घटनेत 7 जणांचा जागीच मृत्यू झाला. तर 13 जण जखमी झाले आहेत. जखमींना रुग्णालयात दाखल करण्यात आले आहे. दरम्यान, स्थानिक पोलीस प्रशासनाने घटनास्थळी धाव घेतली आहे.
मृतामध्ये एक महिला
मृतामध्ये एका महिलेचाही समावेश आहे. जखमींना गोहद रुग्णालयात दाखल करण्यात आले आहे. गोहद चौक ठाणे परिक्षेत्रातील डॉग बिरखडी येथे ही घटना घडली.
मिळालेल्या माहितीनुसार, एक बस ग्वाल्हेरहून बरेलीला जात होती. जेव्हा बस गोहदच्या डांग डोंगरावर पोहोचली, तेव्हा बस डंपरला धडकली. या अपघातात एका महिलेसह एकूण 7 जणांचा जागीच मृत्यू झाला. त्याचवेळी 13 लोक गंभीर जखमी झाले आहेत. घटनेची माहिती मिळताच एसपीसह पोलिसांचा मोठा फौजफाटा रुग्णालयात पोहोचला आहे.
हेही वाचा - VIDEO : लोअर परेल पुलावर कारचालकाचा निष्काळजीपणा; एका दुचाकीस्वाराचा मृत्यू, दुसरा जखमी
