തിരുവനന്തപുരത്ത് കെഎസ്ആര്‍ടിസി ഐഎസ്ആര്‍ഒ ബസുകള്‍ കൂട്ടിയിടിച്ചു

തിരുവനന്തപുരം : നെയ്യാറ്റിൻകര അമരവിളയിൽ കെഎസ്ആർടിസി ബസും ഐഎസ്ആർഒയുടെ ബസും കൂട്ടിയിടിച്ചു. അമരവിളയ്ക്ക് സമീപമായിരുന്നു അപകടം. പാറശ്ശാലയിൽ നിന്ന് തിരുവനന്തപുരത്തേക്ക് പോകുന്ന ബസും തിരുവനന്തപുരത്തുനിന്ന് പാറശ്ശാലയിലേക്ക് വരികയായിരുന്ന ഐഎസ്ആർഒയുടെ ബസും തമ്മിലാണ് ഇടിച്ചത്.

അപകടത്തിൽ പരിക്കേറ്റവരെ നെയ്യാറ്റിൻകര ജനറൽ ആശുപത്രിയിൽ പ്രവേശിപ്പിച്ചു. ആരുടെയും നില ഗുരുതരമല്ല.