തിരുവനന്തപുരം: വിഴിഞ്ഞത്ത് 9 പേര്‍ക്ക് തെരുവ് നായയുടെ കടിയേറ്റു. കോട്ടുമുകള്‍ പഞ്ചായത്തിലെ അമ്പലത്തുമൂല വാര്‍ഡിലാണ് 9 പേരെ തെരുവ് നായ കടിച്ചത്. രാവിലെ 9 മണിയോടെയാണ് റോഡിലൂടെ പോയവര്‍ക്ക് നേരെ തെരുവ് നായയുടെ ആക്രമണമുണ്ടായത്.
ഒരു കുട്ടിയെ ആക്രമിക്കാനുളള നായയുടെ ശ്രമം നാട്ടുകാരാണ് ചെറുത്തത്. കടിയേറ്റവരെ തിരുവനന്തപുരം ജനറല്‍ ആശുപത്രിയില്‍ പ്രവേശിപ്പിച്ചു. നേരത്തെയും വിഴിഞ്ഞത്ത് നിരവധി പേര്‍ക്ക് തെരുവ് നായയുടെ കടിയേറ്റിരുന്നു. വിഴിഞ്ഞം മേഖലയില്‍ തെരുവ് നായ ശല്യം രൂക്ഷമാണെന്ന പരാതിക്കിടെയാണ് വീണ്ടും തെരുവ് നായ ആക്രമണം.
