തിരുവനന്തപുരം: പതിമൂന്ന് വയസുകാരിയെ പീഡിപ്പിച്ച് ഗർഭിണിയാക്കിയ കേസിൽ രണ്ടാനച്ഛന് ജീവിതാവസാനം വരെ കഠിന തടവും രണ്ടര ലക്ഷം രൂപ പിഴയും ശിക്ഷ വിധിച്ച് കോടതി. സർക്കാരിൽ നിന്നും കുട്ടിക്ക് നഷ്‌ടപരിഹാരം നൽകാനും കോടതി ഉത്തരവിട്ടു. തിരുവനന്തപുരം പോക്സോ കോടതിയാണ് ശിക്ഷ വിധിച്ചത്.
2021ലാണ് കേസിനാസ്‌പദമായ സംഭവം. പനിയും ഛർദിയും കാരണം അമ്മ കുട്ടിയെ ആശുപത്രിയിൽ കൊണ്ടുപോവുകയും വൈദ്യപരിശോധന നടത്തുകയും ചെയ്‌തു. തുടർന്നാണ് കുട്ടി ഗർഭിണിയാണെന്ന് തിരിച്ചറിയുന്നത്. ആശുപത്രിയിൽ നിന്നും അറിയിച്ചതനുസരിച്ച് പള്ളിക്കൽ സിഐ കേസ് രജിസ്റ്റർ ചെയ്‌തു.
പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ കട്ടായിക്കോണം അജിത് പ്രസാദ് ഹാജരായി. പ്രൊസിക്യൂഷൻ 20 സാക്ഷികളെയും, 35 രേഖകളും ഹാജരാക്കി. പോക്സോ കോടതിയിൽ ഇത്തരം ഒരു വിധി ആദ്യമാണ്.
Also read: 17 വയസുകാരിയെ പീഡിപ്പിച്ച പിതാവിന്‍റെ സഹോദരന് മരണം വരെ ജീവപര്യന്തം കഠിന തടവ്
