തിരുവനന്തപുരം: വിഴിഞ്ഞത്ത് നിന്നും മത്സ്യബന്ധനത്തിന് പോയ വള്ളം മറിഞ്ഞ് ഒരാള് മരിച്ചു. വിഴിഞ്ഞം സ്വദേശി അബ്ദുല് റഹ്മാന്(47) ആണ് മരിച്ചത്. ഇന്നലെ രാത്രിയില് മത്സ്യബന്ധനത്തിനിടെ ശക്തമായ തിരയില്പ്പെട്ട് വള്ളം മറിയുകയായിരുന്നു. വള്ളത്തില് ഉണ്ടായിരുന്ന മറ്റ് മൂന്ന് പേര് രക്ഷപ്പെട്ടു. നീന്തി രക്ഷപ്പെടാന് ശ്രമിച്ചെങ്കിലും അബ്ദുല് റഹ്മാനെ കാണാതാവുകയായിരുന്നു.
രക്ഷപ്പെട്ടവരെ മത്സ്യബന്ധനം നടത്തിയിരുന്ന തമിഴ്നാട് വള്ളത്തില് രക്ഷപ്പെടുത്തി കരയിലെത്തിച്ചു. ഇവര് നല്കിയ വിവരത്തെ തുടര്ന്ന് നടത്തിയ തെരച്ചിലിലാണ് കൊല്ലംകോട് നിന്നും അബ്ദുല് റഹ്മാന്റെ മൃതദേഹം കണ്ടെത്തിയത്.