തിരുവനന്തപുരം : പ്രതിപക്ഷ ഉപനേതാവ് പികെ കുഞ്ഞാലിക്കുട്ടിക്കെത്തിരെ ഗുരുതര ആരോപണവുമായി കെ.ടി. ജലീൽ എംഎൽഎ. മുസ്ലിം ലീഗിന്‍റെ സ്ഥാപനങ്ങളെ കള്ളപ്പണം വെളുപ്പിക്കാൻ കുഞ്ഞാലിക്കുട്ടി ഉപയോഗിച്ചെന്നാണ് ആക്ഷേപം.
ഇതുസംബന്ധിച്ച് പാണക്കാട്ടെത്തി ഹൈദരലി ശിഹാബ് തങ്ങളില്‍ നിന്ന് എന്‍ഫോഴ്‌സ്മെന്‍റ് ഡയറക്ടറേറ്റ് മൊഴിയെടുത്തെന്ന് അന്വേഷണസംഘത്തിന്‍റെ നോട്ടീസ് പുറത്തുവിട്ട് ജലീൽ പറഞ്ഞു. നോട്ടീസിലെ ആദ്യ പേര് കുഞ്ഞാലിക്കുട്ടിയുടെ മകൻ ഹസിഖി പാണ്ടിക്കടവത്തിന്‍റേതാണ്.
കുഞ്ഞാലിക്കുട്ടിയുടെ സംഘത്തിന്‍റെ കുത്സിത പ്രവൃത്തികളാണ് ആദായ നികുതി വകുപ്പ് നടപടിക്ക് കാരണം. ലീഗ് നേതാക്കൾ പാണക്കാട് തങ്ങളെ മറയാക്കി നടക്കുന്നത് ഗുരുതരമായ മാഫിയാപ്രവർത്തനമാണെന്നും പിന്നിൽ കുഞ്ഞാലിക്കുട്ടിയാണെന്നും ജലീൽ ആരോപിച്ചു.
കുഞ്ഞാലിക്കുട്ടി കള്ളപ്പണം വെളുപ്പിച്ചെന്ന് കെ.ടി. ജലീൽ
