തിരുവനന്തപുരം: കേരള നിയമസഭയിലെ കയ്യാങ്കളി കേസുമായി ബന്ധപ്പെട്ട് പ്രതികളായ ഇ.പി. ജയരാജനും, കെ.ടി. ജലീലും നൽകിയ വിടുതൽ ഹർജിയിൽ വാദം കേൾക്കുന്നത് കോടതി അടുത്ത മാസം നാലിലേയ്ക്ക് മാറ്റി. തിരുവനന്തപുരംചീഫ് ജുഡീഷ്യൽ മജിസ്‌ട്രേറ്റ് കോടതിയാണ് കേസ് പരിഗണിക്കുന്നത്.
യു.ഡി.എഫ് സർക്കാരിന്‍റെ കാലത്ത് 2015 മാർച്ച് 13 ന് കെ.എം. മാണി ബജറ്റ് അവതരിപ്പിക്കുമ്പോൾ അന്നത്തെ പ്രതിപക്ഷ എം.എൽ.എമാരായിരുന്ന കെ.ടി. ജലീലും, ഇ.പി. ജയരാജനും അടക്കമുള്ള ആറ് പേർ നിയമസഭയ്ക്കുളിൽ രണ്ടു ലക്ഷം രൂപയുടെ നാശനഷ്ടം വരുത്തി എന്നാണ് പൊലീസ് കേസ്.
ഇ.പി. ജയരാജൻ, കെ.ടി. ജലീൽ, കെ. അജിത്, കെ. കുഞ്ഞഹമ്മദ്, സി.കെ. സദാശിവൻ, ശിവൻകുട്ടി എന്നിവരാണ് കേസിലെ പ്രതികൾ.
