തിരുവനന്തപുരം: പഴയ കാലത്ത് മഹാരാജാക്കന്മാര്‍ സർവകലാശാലകളിൽ ചാൻസലറായതു കൊണ്ട് പിന്നീട് വന്ന ചാൻസലർമാർ മഹാരാജാക്കൻമാരാണെന്ന് കരുതരുതെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. ഗവർണർ എന്നത് കൊളോണിയൽ വ്യവസ്ഥയുടെ അവശിഷ്‌ടം മാത്രമാണ്. 20 ദിവസവും സംസ്ഥാനത്തിന് പുറത്താണ് ഗവർണര്‍ ആരിഫ് മുഹമ്മദ് ഖാൻ.
ചാന്‍സലര്‍ മഹാരാജാവാണെന്ന് കരുതരുത്: കാനം രാജേന്ദ്രന്‍
അങ്ങനെയൊരാൾക്ക് 14 സർവകലാശാലകളും ശ്രദ്ധിക്കാൻ സാധിക്കില്ല. അതിനാലാണ് മാറ്റാം എന്ന ആലോചന തുടങ്ങിയത്. താൻ തന്നെ നിയമിച്ച വി.സിമാരെ പിരിച്ചുവിടാനാണ് ഗവർണർ ശ്രമിക്കുന്നത്. ഈ നിയമനങ്ങളിൽ ചാൻസലർക്കും ഉത്തരവാദിത്തമുണ്ട്. ഗവർണറുമായി കുടുംബ തർക്കമോ സ്വത്ത് തർക്കമോ ഇല്ല. ഗവർണറുടെ ഭരണഘടന വിരുദ്ധമായ പ്രവർത്തനത്തെയാണ് എതിർക്കുന്നതെന്നും കാനം പറഞ്ഞു.
