തിരുവനന്തപുരം: കണ്ണൂർ വൈസ് ചാൻസലർ നിയമനത്തിൽ മുഖ്യമന്ത്രിക്കെതിരെ അഴിമതി നിരോധന നിയമ പ്രകാരം കേസ് രജിസ്‌റ്റർ ചെയ്യണം എന്ന് ആവശ്യപ്പെട്ട് സമർപ്പിച്ച ഹർജി കോടതി ഇന്ന് പരിഗണിക്കും. തിരുവനന്തപുരം വിജിലൻസ് പ്രത്യേക കോടതിയാണ് ഹർജി പരിഗണിക്കുക. കണ്ണൂർ വൈസ് ചാൻസലറായി ഗോപിനാഥ് രവീന്ദ്രനെ നിയമിച്ചത് മുഖ്യമന്ത്രി ശുപാർശ ചെയ്‌തിട്ടാണെന്നും ഇത് സത്യപ്രതിജ്ഞ ലംഘനമാണെന്നുമാണ് ഹർജിയിലെ ആരോപണം.
അതേസമയം ആരോപണം അല്ലാതെ തെളിവുകൾ ഹാജരാക്കാൻ കഴിയുമോ എന്ന് കോടതി പരാതികാരനോട് ആരാഞ്ഞിരുന്നു. ഹൈക്കോടതി പോലും തള്ളിയ പരാതിക്ക് എന്ത് പ്രസക്തിയാണുള്ളത് എന്നാണ് സർക്കാർ നിലപാട്.
