തിരുവനന്തപുരം: കോർപ്പറേഷനിൽ താത്കാലിക ജീവനക്കാരെ നിയമിക്കുന്നതിന് പട്ടിക ആവശ്യപ്പെട്ട് മേയർ അയച്ചു എന്ന് പറയുന്ന കത്ത് താന്‍ കണ്ടിട്ടില്ലെന്ന് സിപിഎം ജില്ല സെക്രട്ടറി ആനാവൂർ നാഗപ്പൻ. അത്തരത്തിലൊരു കത്ത് ഇതുവരെ കിട്ടിയിട്ടില്ല. മാധ്യമങ്ങളിലൂടെയാണ് വിവരമറിഞ്ഞത്.
മേയർ സ്ഥലത്തില്ലാത്തതിനാൽ വിഷയത്തിൽ വിശദീകരണം തേടാൻ കഴിഞ്ഞിട്ടില്ല. സംഭവത്തില്‍ വിശദീകരണം തേടിയ ശേഷം വിശദമായ പ്രതികരിക്കും. കത്ത് വ്യാജമാണെങ്കിൽ നിയമ നടപടി സ്വീകരിക്കും. വ്യാജമാണോയെന്ന് ഇപ്പോൾ പറയാൻ കഴിയില്ലെന്നും അദ്ദേഹം പറഞ്ഞു.
നിയമനങ്ങൾ സംബന്ധിച്ച് ഒരു വിവാദവും ഇതുവരെ സിപിനെതിരെ ഉണ്ടായിട്ടില്ല. കത്ത് പുറത്ത് വന്നതിന് പിന്നിൽ സിപിഎമ്മിനുള്ളിലെ വിഭാഗീയ പ്രശ്‌നങ്ങളാണോ എന്ന ചോദ്യത്തിന് പ്രതികരിക്കാൻ ആനാവൂർ തയ്യാറായില്ല.
also read: സഖാവേ ഒഴിവുണ്ട്, ആളുണ്ടോ? സിപിഎം ജില്ല സെക്രട്ടറിയ്ക്ക് തിരുവനന്തപുരം മേയറുടെ കത്ത്
