പത്തനംതിട്ട: കോന്നിയില്‍ മകളെ പിതാവ് പീഡിപ്പിച്ച് ഗര്‍ഭിണിയാക്കി. പതിമൂന്ന് വയസുകാരിയാണ് പീഡനത്തിനിരയായത്. പ്രതിയെ കോന്നി പൊലീസ് പോക്‌സോ നിയമപ്രകാരം അറസ്റ്റ് ചെയ്‌തു.
പീഡനം സംബന്ധിച്ച്‌ പൊലീസിന് വിവരം ലഭിച്ചതിന്‍റെ അടിസ്ഥാനത്തില്‍ അന്വേഷണം നടത്തിയിരുന്നു. തുടര്‍ന്നാണ് പിതാവിനെ കസ്റ്റഡിയിലെടുത്തത്. അതിക്രമത്തിന് ഇരയായ പെണ്‍കുട്ടിയെ മഹിള മന്ദിരത്തിലേയ്ക്ക് മാറ്റി.
കുട്ടിയുടെ മാതാവ് രോഗിയാണ്. കൊവിഡ് കാലത്ത് മറ്റൊരു സ്ഥലത്ത് താമസിച്ച്‌ പഠിച്ചിരുന്ന കുട്ടി വീട്ടില്‍ വന്നപ്പോഴാണ് പീഡനം നടന്നത്. ബന്ധുക്കളടക്കം പീഡന വിവരം മറച്ചുവെയ്ക്കാന്‍ ശ്രമിച്ചെങ്കിലും ഒരാള്‍ രഹസ്യമായി പൊലീസില്‍ വിവരം അറിയിയ്ക്കുകയായിരുന്നു.
തുടര്‍ന്ന് കുട്ടിയെ പൊലീസ് വൈദ്യപരിശോധനയ്ക്ക് വിധേയമാക്കി. കുട്ടി നല്‍കിയ മൊഴിയുടെ അടിസ്ഥാനത്തിലാണ് പിതാവിനെതിരെ കേസ് എടുത്തത്. പ്രതിയെ ഇന്ന് തന്നെ കോടതിയില്‍ ഹാജരാക്കും.
Also read: പത്തനംതിട്ടയിൽ ഏഴാം ക്ലാസുകാരിയെ പീഡിപ്പിച്ച ഇരുപതുകാരൻ അറസ്റ്റിൽ
