മലപ്പുറം: കൊണ്ടോട്ടിയിലെ സംഭവത്തില്‍ മാപ്പ് പറയില്ലെന്ന് ജാമിയ മിലിയ വിദ്യാര്‍ഥി ആയിഷ റെന്ന. പിണറായി സർക്കാർ കാണിക്കുന്നത് ഇരട്ടത്താപ്പാണെന്നും സിപിഎം പ്രവർത്തകർ തന്നോട് മോശമായി പെരുമാറിയെന്നും ആയിഷ റെന്ന പറഞ്ഞു.
സര്‍ക്കാരിനെതിരായ പരാമര്‍ശത്തില്‍ മാപ്പ് പറയില്ലെന്ന് ആയിഷ റെന്ന
കൊണ്ടോട്ടിയിൽ ഇന്നലെ നടന്ന ബഹുജന മാർച്ചിൽ പിണറായി സർക്കാരിന്‍റെ നടപടിയിൽ പ്രതിഷേധിച്ച് ആയിഷ റെന്ന സംസാരിച്ചിരുന്നു. പിണറായി സർക്കാർ ജയിലിലിട്ട പൊന്നാനിയിലെ വിദ്യാര്‍ഥികളെ വിട്ടയക്കണമെന്ന് പറഞ്ഞിരുന്നു. ഇതിനെതിരെ സിപിഎം പ്രവർത്തകർ രംഗത്തെത്തുകയും മാപ്പ് പറയിപ്പിക്കാൻ ശ്രമിക്കുകയും ചെയ്‌തു. എന്നാൽ താൻ പറഞ്ഞതിൽ ഉറച്ചുനിൽക്കുകയാണെന്നും ഡൽഹിയിൽ അറസ്റ്റ് ചെയ്തവരെ വിട്ടയക്കാന്‍ സമരം നടത്തുന്നവര്‍ പൊന്നാനിയിൽ അറസ്റ്റ് ചെയ്ത വിദ്യാർഥികളെ ജാമ്യം നൽകാതെ ജയിലിലടക്കുകയാണെന്നും ആയിഷ റെന്ന പറഞ്ഞു.
