കോഴിക്കോട്: മാവൂരില്‍ മോക് ഡ്രില്ലിന് ശേഷം വിദ്യാര്‍ഥിക്ക് പീഡനം. മോക് ഡ്രില്ലില്‍ പങ്കെടുത്ത പതിനഞ്ചുകാരനെയാണ് പഞ്ചായത്ത് മെമ്പര്‍ പീഡനത്തിന് ഇരയാക്കിയത്. ആംബുലന്‍സില്‍ വച്ചും കാറില്‍വച്ചും കുട്ടിയെ മെമ്പറായ ഉണ്ണികൃഷ്‌ണന്‍ പീഡിപ്പിച്ചെന്നാണ് പരാതി.
പ്രകൃതി ദുരന്തരങ്ങളെ നേരിടുന്നതിനായി സംസ്ഥാനത്തൊട്ടാകെ സംഘടിപ്പിച്ച മോക് ഡ്രില്ലിന്‍റെ ഭാഗമായി കോഴിക്കോട് നടത്തിയ മോക് ഡ്രില്ലിന് ശേഷമാണ് സംഭവം. ജില്ലാഭരണകൂടം താലൂക്ക് അടിസ്ഥാനത്തില്‍ നടത്തിയ മോക്ഡ്രില്ലില് പങ്കെടുക്കാന്‍ എത്തിയതായിരുന്നു വിദ്യാര്‍ഥി. ഉണ്ണികൃഷ്‌ണനെതിരെ പോക്സോ വകുപ്പ് ചുമത്തി മാവൂര്‍ പൊലീസ് കേസെടുത്തു.
