ഇടുക്കി: വണ്ടിപ്പെരിയാറിൽ കാട്ടുപോത്തിന്‍റെ ആക്രമണത്തിൽ തോട്ടം തൊഴിലാളിയായ മധ്യവയസ്‌കക്ക് പരിക്കേറ്റു. പശുമല എസ്‌റ്റേറ്റിൽ താമസിയ്ക്കുന്ന ചെല്ലാതായിക്കാണു പരുക്കേറ്റത്. കാലിന് പരിക്കേറ്റ ഇവരെ കോട്ടയം മെഡിക്കൽ കോളജ് ആശുപത്രിയില്‍ പ്രവേശിപ്പിച്ചു. 62-ാം മൈൽ തോംസൺ ഏല തോട്ടത്തിൽ ജോലിക്ക് പോകുന്ന വഴിയെയാണ് കാട്ടുപോത്തിനെ കണ്ടത്. ചെല്ലതായ്ക്ക് ഒപ്പം ഉണ്ടായിരുന്നവർ കാട്ടുപോത്തിനെ കണ്ടതോടെ ശബ്‌ദം ഉണ്ടാക്കി. തുടര്‍ന്ന് ചെല്ലത്തായിയെ ആക്രമിച്ച കാട്ട്പോത്ത് ഓടി മറഞ്ഞു. കൂടെ ഉണ്ടായിരുന്ന തൊഴിലാളികളാണ് ഇവരെ ആശുപത്രിയില്‍ എത്തിച്ചത്.
